Մարդու իրավունքների եվրոպական դատարանը (ՄԻԵԴ) կարող է միջանկյալ միջոցներ ձեռնարկել այն բողոքի առնչությամբ, որով Հայաստանը պահանջում է պաշտպանել նոյեմբերի 16-ի միջադեպի ժամանակ Ադրբեջանի կողմից գերեվարված իր զինծառայողների իրավունքները։
«Դատարանը հարցում է ստացել 33 ենթադրյալ հայ գերիների նկատմամբ 39-րդ կանոնի (Դատական միջանկյալ միջոցներ) կիրառման մասին:
Միջպետական բողոքի շրջանակներում ՀՀ կառավարության ներկայացրած հարցման մեջ ընդգրկված է 28, իսկ ենթադրյալ բանտարկյալների հարազատների կողմից ուղարկված անհատական բողոքների շրջանակում՝ հինգ գերի»,- հայտնել են դատարանի մամուլի ծառայությունում ՏԱՍՍ-ի խնդրանքին ի պատասխան` մեկնաբանել հայկական կողմի հայտարարությունն իրենց զինվորականների իրավունքները պաշտպանելու պահանջով ՄԻԵԴ դիմելու մասին։
