Լեհաստանի արտաքին գործերի նախարարությունը Հայաստանի առողջապահության նախարարությանն է նվիրաբերել COVID-19-ի դեմ 201 հազար 640 դեղաչափ «ԱստրաԶենեկա» պատվաստանյութ:
Ինչպես NEWS.am-ը տեղեկանում է Առողջապահութան նախարարությունից, Հայաստանում Լեհաստանի դեսպան Պավել Չեպլակն այսօր՝ նոյեմբերի 26–ին, առողջապահության նախարարի առաջին տեղակալ Լենա Նանուշյանին է հանձնել պատվաստանյութի խմբաքանակը:
Հիշեցնենք, որ Հայաստանում COVID-19-ի դեմ «Գամ-Կովիդ-Վակ» («Սպուտնիկ-Վի»), «Կորոնավակ» (միայն 2-րդ դեղաչափի համար), «ԱստրաԶենեկա» («Վաքսզեւրիա»), «Սինոֆարմ» եւ «Մոդեռնա» («Սպայկվաքս») պատվաստանյութերն են առկա:
