News
Լրահոս
News
Չորեքշաբթի
Հունվար 19
USD
481.65
EUR
546.14
RUB
6.3
Տեսնել լրահոսը

Մարցիպանով «Մոցարտ» հայտնի շոկոլադներ արտադրող Salzburg Schokolade ավստրիական ընկերությունը սնանկության հայց է ներկայացրել։ Այն այսօր կքննվի Զալցբուրգի շրջանային դատարանում։ Այս մասին հայտնում է APA գործակալությունը, որի տրամադրության տակ է հայտնվել Salzburg Schokolade-ի ղեկավարության հայտարարությունը` իրավիճակի պարզաբնմամբ։

Ըստ Salzburg Schokolade-ի ղեկավար Քրիստիան Շյուգերլի, ով նաեւ ընկերության բաժնետոմսերի մի մասի սեփականատերն է, բիզնեսը լրջորեն տուժել է համավարակի հետևանքով։ Խիստ սահմանափակումների պայմաններում Ավստրիա շատ քիչ զբոսաշրջիկներ են այցելել, ովքեր սովորաբար ակտիվորեն գնում էին արտադրողի արտադրանքը, այդ թվում` Mozartkugeln marzipan քաղցրավենիքները, որոնք արտադրվում էին բացառապես ամերիկյան Mondelez ընկերության ավստրիական ստորաբաժանման համար Mirabell ապրանքանիշով, ինչպես նաեւ մարցիպան, շոկոլադ, շոկոլադե սալիկներ, մեդալներ, վաֆլիներ եւ բոլոր տեսակի քաղցրավենիքներ Bobby, Maria Theresia Taler, Salzburg Confiserie, Nordpol ապրանքանիշերի ներքո: Բացի այդ, համավարակի պատճառով չեղարկվել են զանգվածային միջոցառումները, որոնց ընթացքում լայնորեն վաճառվել են նաեւ ընկերության արտադրանքը։ Համավարակի առաջին ալիքի ընթացքում ընկերության խանութները Վիեննայում եւ Զալցբուրգում փակ էին մի քանի ամսով։ Եվ ինչպես նշել է պարոն Շյուգերլը, անցյալ տարվա վնասներն այս տարի ամբողջությամբ ծածկել հնարավոր չէ, իսկ այս տարի զգալի կորուստներ են սպասվում։ «Այլ խնդիրների թվում են ներկայիս լոքդաունը, հումքի, էլեկտրաէներգիայի գների զգալի աճը, աշխատավարձերի, տրանսպորտի եւ փաթեթավորման նյութերի թանկացումը»,- հայտարարել է Salzburg Schokolade-ի ղեկավարը:

Salzburg Schokolade-ն հիմնադրվել է Զալցբուրգում դեռեւս 1897 թվականին, բայց սկզբում կոչվում էր Rajsigl: 1956 թվականին ընկերությունը տեղափոխվեց Գրյոդիգ, որտեղ աշխատում է մինչ օրս։ Ընկերությունը գործարան ունի Չեխիայում, որը զբաղվում է հրուշակեղենի եւ սննդամթերքի փաթեթավորմամբ։ 2019 թվականին ընկերության վաճառքը 28.7 միլիոն եվրո էր կազմել:

 

!
Այս նյութը հասանելի է նաև   Русский
Տպել