News
Լրահոս
News
Ուրբաթ
Հունվար 28
USD
482.57
EUR
540.24
RUB
6.13
Տեսնել լրահոսը

Ֆրանկֆուրտի դատարանը ցմահ ազատազրկման է դատապարտել ԻՊ-ին միացած իրաքցուն՝ եզդի փոքրամասնության ցեղասպանության համար։ Սա դատարանի նման ձեւակերպմամբ առաջին վճիռն է, հաղորդում է AFP-ն։

29-ամյա Թահա Ալ-Ջումայլին մեղավոր է ճանաչվել ցեղասպանության, մարդկության դեմ մահվան հանգեցրած հանցագործությունների, ռազմական հանցագործությունների, ռազմական հանցագործություններին նպաստելու եւ մահացու մարմնական վնասվածքներ հասցնելու համար՝ 2013 թվականին «Իսլամական պետությանը» միանալուց հետո: Ամբաստանյալը դատարանում դատավճռի հրապարակման ժամանակ կորցրել է գիտակցությունը։

Մայիսին ՄԱԿ-ի հատուկ քննիչները հայտարարել են, որ «հստակ եւ համոզիչ ապացույցներ» են հավաքել ԻՊ-ի կողմից եզդիների դեմ իրականացված ցեղասպանության վերաբերյալ:

«Սա այն արդյունքն է, որը հույս ունեին տեսնել բոլոր եզդիները եւ ցեղասպանությունը վերապրածները»,- դատավճռից հետո AFP-ին ասել է Նաթիա Նավրուզովան՝ փաստաբան եւ «Յազդա» ՀԿ-ի անդամ, որը ապացույցներ է հավաքում ԻՊ-ի կողմից եզդիների դեմ կատարած հանցագործությունների մասին:

«Այսօր պատմական օր է մարդկության համար, եւ եզդիների ցեղասպանությունը վերջապես մտավ միջազգային քրեական իրավունքի պատմության մեջ։ Մենք կհոգանք, որ նման ավելի շատ դատավարություններ լինեն»,- ասել է նա։

Ըստ դատախազության՝ Ալ-Ջումայլին եւ նրա նախկին կինը՝ Ջենիֆեր Վենիշ անունով գերմանուհին, եզդի կնոջ ու երեխայի են «գնել»՝ որպես տնային «ստրուկներ», երբ ապրելիս են եղել 2015 թվականին ԻՊ-ի կողմից գրավված Մոսուլում:

Ալ-Ջումայլին մեղադրվում է 50 աստիճան շոգին հինգ տարեկան աղջկան շղթայելու մեջ՝ որպես ներքնակի վրա միզելու համար պատիժ։ Արդյունքում երեխան մահացել է ծարավից։

Առանձին դատավարության ժամանակ 30-ամյա Վենիշը հոկտեմբերին դատապարտվել է 10 տարվա ազատազրկման՝ «մարդկության դեմ շահագործման ձեւով հանցագործությունների» եւ աղջկա սպանությանը օժանդակելու ու հրահրելու համար։

Երեխայի մայրը, ում անունը Նորա է, ինչպես Մյունխենում, այնպես էլ Ֆրանկֆուրտում ցուցմունք է տվել դստեր տանջանքների մասին։

Նա նաեւ պատմել է, որ իրեն մի քանի անգամ բռնաբարել են ԻՊ-ի ջիհադականները այն բանից հետո, երբ 2014 թվականի օգոստոսին ներխուժել են հյուսիսարեւմտյան Իրաքի Սինջար լեռներում գտնվող իր գյուղը:

 

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Եզդիների առաջնորդները կոչ են անում աշխարհին կանխել Թուրքիայի կողմից ցեղասպանությունը
Նա Թուրքիային մեղադրել է ջիհադիստների գործը շարունակելու մեջ եւ միջազգային հանրությանը քննդատել եզդիների ցեղասպանության հերթական փորձի մասին լռելու համար․․․
ԱԺ-ն մեկ րոպե լռությամբ հարգեց 2014 թվականին Հյուսիսային Իրաքում եզդիների կոտորածների զոհերի հիշատակը
Դաժան սպանությունները սկսվել էին օգոստոսի 3-ին եւ կազմակերպվել ամբողջ աշխարհում արգելված «Իսլամական պետություն» ահաբեկչական խմբավորման անդամների կողմից...
Եզդի համայնքի հետ ոգեկոչում ենք Սինջարում զոհված իրենց եղբայրների և քույրերի հիշատակը․ Միրզոյան
Իբրև ցեղասպանություն վերպրած ազգ՝ մենք չենք կարող անտարբեր մնալ որևէ այլ...
Գերմանիայում սկսվել է «Իսլամական պետության» զինյալի դեմ դատը, որը մեղադրվում է եզդիների ցեղասպանության մեջ
Եզդի աղջկա սպանության մեղադրանք է առաջադրվել նաեւ նրա կնոջը՝ գերմանուհի Ջենիֆեր Վենիշին. զույգը 2015-ին Ֆալուջայում թույլ էր տվել, որ աղջիկը ծարավից մահանա…
Amnesty–ն դատապարտել է Իրաքում եզդիների դեմ ջիհադիստների հանցագործությունները
Փաստաթղթում ասվում է, որ ահաբեկիչները մեղավոր են եզդիների զանգվածային սպանությունների եւ նրանց գոյության հիմքերի ոչնչացման համար...
«Միասին հայրենիք ենք կորցրել». Բաբլոյանն ուղերձ է հղել եզդիների ցեղասպանության 4-րդ տարելիցի կապակցությամբ
Այդ կապակցությամբ այսօր Երեւանի Օղակաձեւ զբոսայգում՝ եզդի ժողովրդի անմեղ զոհերի հիշատակը հավերժացնող հուշակոթողի մոտ էին հավաքվել եզդիական համայնքի, հասարակայնության ներկայացուցիչներ...
Ֆոտոռեպորտաժներ