News
Լրահոս
News
Շաբաթ
Հունվար 29
USD
482.57
EUR
540.24
RUB
6.13
Տեսնել լրահոսը

ԵԽԽՎ Իրավահավասարության եւ խտրականության դեմ պայքարի հարցերի հանձնաժողովը մտահոգված է Հայաստանում, Ադրբեջանում եւ Վրաստանում ԼԳԲՏԻ անձանց վիճակով, եւ նշում է, որ «այդ մարդկանց իրավունքների բազմաթիվ խախտումներ են արձանագրվել կամ հաստատվել»։

Կոմիտեն հայտարարել է, որ այս երկրները պետք է ընդունեն արդյունավետ օրենսդրություն եւ «քաղաքականություն՝ ուղղված սեռական կողմնորոշման, գենդերային ինքնության, գենդերային ինքնադրսեւորման եւ սեռական հատկանիշների վրա հիմնված խտրականության դեմ գործողությունների ուժեղացմանը»:

Ողջունելով Վրաստանի առաջընթացը խտրականության դեմ պայքարում, ինչպես նաեւ Հայաստանում ներկա ժողովրդավարական անցման ընձեռած հնարավորությունները՝ խորհրդարանականները կոչ են արել Երեւանին, Բաքվին եւ Թբիլիսիին «երաշխավորել ԼԳԲՏԻ իրավունքների պաշտպանության հանրային միջոցառումների իրավունքը, ինչպիսիք են գեյ-շքերթները, ապահովել դրանց անվտանգ անցկացումը եւ մասնակիցներին պաշտպանել ցանկացած բռնությունից»:

Բանաձեւի ընդունված նախագիծը, որը հիմնված է Քրիստոֆ Լակրուայի պատրաստած զեկույցի վրա, կոչ է անում ընդունել վարքագծի կանոններ լրատվամիջոցների եւ խորհրդարանի անդամների համար, որոնք «արգելում են խարանող եւ խտրական մեկնաբանությունները եւ ատելության խոսքը ԼԳԲՏԻ անձանց նկատմամբ»:

Խորհրդարանականները նաեւ կոչ են արել հարավկովկասյան երեք պետություններին «բարելավել սեռական եւ վերարտադրողական առողջության ծառայությունների հասանելիությունը, ինչպես նաեւ սեռական ճանապարհով փոխանցվող հիվանդությունների վերաբերյալ տեղեկատվության եւ իրազեկության բարձրացումը՝ ներդնել ընթացակարգեր, որոնք թույլ կտան տրանսգենդերներին փոխել իրենց անունը եւ սեռը փաստաթղթերում, ամրապնդել համագործակցությունը քաղաքացիական հասարակության կազմակերպությունների հետ, որոնք աշխատում են պաշտպանելու մարդու իրավունքները՝ ներառյալ ԼԳԲՏԻ անձանց իրավունքները՝ միաժամանակ երաշխավորելով նրանց անկախությունը եւ պաշտպանել նրանց ու նրանց հետ աշխատող մարդկանց անվտանգությունը»:

Բանաձեւի նախագիծը կքննարկվի ԵԽԽՎ հաջորդ լիագումար նիստում (2021թ. հունվարի 24-28):

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵԽԽՎ-ն քննադատում է Հայաստանում վիրավորանքի քրեականացումը
Դրանցից մեկը 2021 թվականի հունիսի ընտրություններն են․․․
ԵԽԽՎ զեկույց. Հայաստանն առաջընթաց է գրանցել ժողովրդավարության զարգացման գործում
«Հայաստանը հաջողությամբ դուրս է եկել լուրջ քաղաքական ճգնաժամից, որն առաջացել էր Լեռնային Ղարաբաղի հակամարտության հետեւանքով...
Վլադիմիր Վարդանյանն ընտրվել է ԵԽԽՎ հանձնաժողովի փոխնախագահ
Հունվարի 26-ին, Եվրոպայի խորհրդի խորհրդարանական վեհաժողովի...
ԵԽ հանձնակատարը կոչ է արել Ադրբեջանի նախագահին մշակման վերադարձնել ԶԼՄ-ների մասին սկանդալային օրենքը
Իր նամակում հանձնակատարն իր խորը մտահոգությունն է հայտնել, որ նոր օրենքն ընդունվել է առանց լայն եւ բովանդակալից խորհրդակցությունների․․․
Հոլանդացի սենատոր Թինի Քոքսը ԵԽԽՎ նախագահ է ընտրվել
Քոքսի օգտին քվեարկել է համագումարի 164 անդամ...
ԵԽԽՎ-ում կքննարկվի ժողովրդավարական ինստիտուտների գործունեությունը Հայաստանում
Նիստին կքննարկվեն Եվրոպայում ԼԳԲՏԻ անձանց նկատմամբ ատելության աճի դեմ պայքարը, Անդրկովկասում նրանց իրավունքների ոտնահարումը, բիզնեսը եւ արժեքները ֆուտբոլային մենեջմենթում...
Ամենաշատ