Դեկտեմբերի 1-ին, ժամը 02։00-ին Լոռու մարզային ճգնաժամային կառավարման կենտրոն ահազանգ է ստացվել, որ Աքորի գյուղում այրվում է տուն։

ԱԻՆ-ից NEWSW.am-ին հայտնում են, որ դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ և Օձունի հենակետից մեկ մարտական հաշվարկ:

Պարզվել է, որ հրդեհը բռնկվել է գյուղի 1-ին փողոցի 4-րդ նրբանցքում գտնվող նորակառույց տանը։

Հրդեհը մեկուսացվել է ժամը 04:05-ին, մարվել՝ 06:42-ին։ Այրվել են տան տանիքի փայտե կառուցատարրերը (մոտ 120 քմ), հատակը (մոտ 30 քմ) և գույքը։