Apple-ը կներկայացնի 3-րդ սերնդի iPhone SE-ն 2022 թվականի մարտին, հաղորդում է TechRadar-ը։

Ըստ վերջին տվյալների՝ iPhone SE 3-ը կպատրաստվի նույն դիզայնով, ինչ երկու տարվա վաղեմության մոդելները եւ կլինի ընկերության միակ սմարթֆոնը՝ 4,7 դյույմանոց հեղուկ-բյուրեղյա դիսփլեյով։ Չնայած արտաքին տարբերությունների բացակայությանը՝ նորույթը աջակցություն կստանա հինգերորդ սերնդի ցանցերի եւ Apple A15 Bionic չիփսեթի համար, որը ներկայացված է iPhone 13 սերիայում։

Ըստ վերլուծաբանների՝ Apple-ը կարող է մոտ 30 միլիոն iPhone SE 3 թողարկել 2022 թվականին, ինչը կօգնի ընկերությանը տեղ գրավել միջին դասի 5G սմարթֆոնների շուկայում։ Հաղորդվում է, որ ընկերությունը չի դիտարկում առանց շրջանակի iPhone SE հաջորդ տարի, այն չի թողարկվի մինչեւ 2024 թվականը: