News
Լրահոս
News
Շաբաթ
Հունվար 29
USD
482.57
EUR
540.24
RUB
6.13
Տեսնել լրահոսը

Տանզանիայի տարածքում սառած հրաբխային մոխրի մեջ մնացած տարօրինակ հնագույն ոտնահետքեր հայտնաբերելով՝ գիտնականները սկզբում որոշել են, որ դա հետեւի ոտքերի վրա քայլող արջի հետք է: New Scientist գիտական հրապարակման համաձայն՝ նոր վերլուծությունը ցույց է տվել, որ հետքերն, այնուամենայնիվ, մարդու են պատկանել։ Ավելի ճիշտ՝ անհետացած մարդկային տեսակի, որի քայլվածքը չափազանց անսովոր է եղել։

Անհայտ հոմինիդը, որից միայն սառած մոխրի վրա հետքեր են պահպանվել, ապրել է մոտ 3,7 միլիոն տարի առաջ: Դատելով հետքերից՝ այս մարդանման արարածը շատ ու շատ տարօրինակ կերպով է շարժվել։

«Պատկերացրեք մարդու, որը քայլում է ոտքերը խաչելով։ Խոսքը բեմական քայլվածքի հիպերտրոֆիկ տարբերակի մասին է, որը մոդելները ցուցադրում են պոդիումի վրա»,- ասում են հետազոտողները։

Թե կոնկրետ ինչ հոմինիդ է թողել տարօրինակ հետքեր՝ գիտնականները չգիտեն։ Նշվում է, որ դրանք նման չեն մյուս հետքերին, որ գտնվել են Լաետոլիի տարածքում, որտեղ հայտնաբերվել է գտածոն։ Ավելի վաղ այս տարածքում հայտնաբերվել են աֆարյան ավստրալոպիտեկների, ինչպես նաեւ ուղիղ քայլող հոմինիդների հետքեր, որոնք ապրել են մոտ 3,6 միլիոն տարի առաջ: Սակայն, նոր գտածոն փակուղի է մտցրել գիտնականներին: Հավանաբար հետագա դաշտային հետազոտությունները կարող են հանգեցնել նոր բացահայտումների, որոնք լույս կսփռեն տարօրինակ հետքերի առեղծվածի վրա:

 

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ