ՌԴ ԱԳ նախարար Սերգեյ Լավրովը ԱՄՆ պետքարտուղար Էնթոնի Բլինքենի հետ հանդիպման ժամանակ նրան մի քանի անգամ «Թոնի» է անվանել, փոխանցում է ՌԻԱ Նովոստին։
Հանդիպումը կայացել է Ստոկհոլմում ԵԱՀԿ նախարարական նիստի շրջանակում։ «Այսօր մենք բոլորս՝ ես եւ Թոնին, վերահաստատեցինք մեր հավատարմությունը Հելսինկյան եզրափակիչ ակտի սկզբունքներին»,-ասել է Լավրովը։ Դրանից հետո նա Բլինքենին մի քանի անգամ «Թոնի» է անվանել։
Սա երկու երկրների արտաքին հարաբերությունների գերատեսչությունների ղեկավարների երկրորդ հանդիպումն է մեկ տարվա ընթացքում։ Առաջինը տեղի է ունեցել մայիսին Ռեյկյավիկում՝ Արկտիկական խորհրդի նախարարական հանդիպման շրջանակում։
