Omicron տարբերակը մի քանի ամսվա ընթացքում կարող է Եվրոպայում COVID-19 բոլոր վարակների ավելի քան կեսի պատճառը լինել: Այս մասին հայտարարել է Հիվանդությունների կանխարգելման եւ վերահսկման եվրոպական կենտրոնը, փոխանցում է Reuters-ը։

«Հիմնվելով ECDC-ի կողմից անցկացված մաթեմատիկական մոդելավորման վրա՝ կան ցուցումներ, որ Omicron-ը կարող է ԵՄ-ում եւ ԵՏԳ-ում SARS-CoV-2 վարակների ավելի քան կեսի պատճառը դառնալ առաջիկա մի քանի ամիսների ընթացքում»,- ասվում է Հիվանդությունների կանխարգելման եւ վերահսկման եվրոպական կենտրոնի հայտարարության մեջ։

Այս պահին Եվրոպայում գրանցվել են Omicron տարբերակով վարակման մի քանի տասնյակ դեպքեր, որոնք առաջին անգամ հայտնաբերվել են Հարավային Աֆրիկայում՝ անցյալ ամիս։

Եվրոպական միությունը եւ Եվրոպական տնտեսական գոտին (ԵՏԳ) ներառում են ԵՄ անդամ 27 երկրներ, ինչպես նաեւ Իսլանդիան, Լիխտենշտեյնը եւ Նորվեգիան: