Սպառողների խմբերը կարող են դատի տալ Facebook-ին՝ գաղտնիությունը խախտելու համար։ Այս մասին հայտարարել է Գերմանիայում օնլայն խաղերի գործով Եվրոպական դատարանի խորհրդականը, հաղորդում է Reuters-ը:
«Անդամ պետությունները կարող են թույլ տալ սպառողների իրավունքների պաշտպանության ասոցիացիաներին ներկայացուցչական հայցեր ներկայացնել անձնական տվյալների պաշտպանության խախտումների դեմ»,-ասել է Լյուքսեմբուրգում Եվրոպական Միության դատարանի (CJEU) գլխավոր փաստաբանը։
Նման գործողությունները պետք է հիմնված լինեն իրավունքների խախտման վրա, որոնք ուղղակիորեն բխում են երեք տարի առաջ ընդունված ԵՄ գաղտնիության մասին կանոններից:
Facebook-ը հայտնվել է դատարանում այն բանից հետո, երբ Գերմանիայի սպառողների կազմակերպությունների դաշնությունը հայց է ներկայացրել՝ պնդելով, որ սոցիալական ցանցը թույլ է տվել առցանց խաղերի օպերատորներին ոչ պատշաճ կերպով հավաքել խաղացողների անձնական տվյալները:
Խաղերն առաջարկվել են Facebook-ի հավելվածների կենտրոնում 2012թ.։ Խաղալով՝ օգտատերերը ավտոմատ կերպով համաձայնում են կիսվել իրենց անձնական տվյալներով՝ ներառյալ էլփոստի հասցեները:
