News
Լրահոս
News
Շաբաթ
Հունվար 29
USD
482.57
EUR
540.24
RUB
6.13
Տեսնել լրահոսը

Շվեյցարիան 2021 թվականի դեկտեմբերի 3-ին մեկնարկում է երկարաժամկետ զարգացման նախագիծ՝ աջակցելու Հայաստանին գյուղատնտեսության ոլորտում մասնագիտական կրթության համակարգի արդիա-կանացմանն ուղղված իր ջանքերին:

Հայաստանում Շվեյցարիայի դեսպանատնից NEWS.am-ին հայտնում են, որ Շվեյցարական զարգացման համագործակցության գործակալությունը սկզբունքորեն հաստատել է Հայաստանին 7'130'000 CHF շվեյցարական ֆրանկ ընդհանուր գումարով աջակցության նախագիծը: Նախագիծն իրականացվում է համագործակցության եզակի դաշինքի միջոցով, որում ընգրկված են զարգացման ոլորտի միջազգային և տեղական դերակատարներ, ինչպես նաև պետական և մասնավոր հատվածներ, որոնք կմոբիլիզացնեն նաև լրացուցիչ միջոցներ: Բարեփոխումը կիրականացնեն շվեյցարական բողոքական եկեղեցիների օգնության հիմնադրամ (HEKS) ՀԿ-ն, հայկական «Ռազմավարական Զարգացման Գործակալություն»  (ՌԶԳ) ՀԿ-ն, ինչպես նաև Գերմանիայի միջազգային համագործակցության ընկերությունը (GIZ)՝ Հայաստանի կառավարության ընդհանուր համակարգմամբ:

Ծրագիրը կօգնի Հայաստանի կառավարությանը բարեփոխել մասնագիտական կրթությունը գյուղատնտեսության ոլորտում և այն համապատասխանեցնել շուկայի պահանջներին, ինչն էլ ավելի կնպաստի տնտեսական զարգացմանը և ավելի արժանապատիվ աշխատատեղերի ստեղծմանը: Նախագծի նպատակն է բարելավել գյուղական վայրերում ապրող երիտասարդների զբաղվածության հնարավորություն-ները՝ մի շարք մասնագիտությունների գծով տեսական գիտելիքները գործնական պարապմունքների հետ համատեղելու միջոցով: Բարեփոխումների մաս է կազմում այն, որ ուսանողները, մասնագիտական կրթության հաստատություններում տեսական գիտելիքներ ստանալու հետ մեկտեղ, հնարավորություն են ստանում կատարելագործել իրենց հմտությունները տեղական ընկերություններում և ֆերմերային տնտեսություն-ներում: Նրանց ուսումնական ուղին կամփոփվի պետական նմուշի դիպլոմների ստացմամբ։

Նախագիծը մեկնարկում է 2021 թվականի դեկտեմբերի 3-ին՝ 9 ամիս տևողությամբ նախապատրաստական փուլով, որին կհաջորդի իրականացման փուլը և այն կտևի առնվազն 8 տարի։ Այս ամենի համար շվեյցարական միջոցներն, ընդհանուր առմամբ, կազմում են 7’130’000 CHF շվեյցարական ֆրանկ:

Ծրագրի ազդեցությունն ու արդյունավետությունը բարձրացնելու նպատակով Շվեյցարիան համագործակցում է գործընկերների լայն շրջանակի հետ, ինչպիսիք են Հայաստանի կառավարությունը, միջազգային կազմակերպությունները, պետական և մասնավոր հատվածները և ակադեմիական հաստատությունները: Ֆինանսավորող մյուս գործընկերները, որոնք զգալի միջոցներ են ավելացնում Շվեյցարիայի ներդրմանը, ներառում են Գերմանիայի տնտեսական համագործակցության և զարգացման դաշնային նախարարությունը (BMZ), Ավստրիական զարգացման գործակալությունը (ADA), Հայկական Իզմիրիլյան հիմնադրամը և հայաստանյան այլ մասնավոր ընկերություններ։ Այս ներդրումներից որոշները ենթակա են վերջնական հաստատման:

Նախագիծը կիրականացվի Սյունիքի հարավային շրջաններում և Վայոց Ձորում, ինչպես նաև Հայաստանի հյուսիսային հատված մի շարք շրջաններում։ Իրականացնող կազմակերպություններն են շվեյցարական բողոքական եկեղեցիների օգնության հիմնադրամ (HEKS) ՀԿ-ն, հայկական «Ռազմավարական Զարգացման Գործակալություն» (ՌԶԳ) ՀԿ-ն, ինչպես նաև Գերմանիայի միջազգային համագործակցության ընկերությունը (GIZ)։

Նախագիծը կյանքի է կոչում Շվեյցարիայի արտաքին քաղաքականության և զարգացման համագործակցության սկզբունքներն ու նպատակները: Շվեյցարիան աջակցում է Հայաստանի դեպի շուկայական տնտեսության անցմանը և իր ներդրումն է ունենում երկրի բնակչության կողմից ներառական տնտեսական զարգացումից օգուտների ստացման ապահովման գործում։ Նախագիծը կիրականացվի գյուղական վայրերում տնտեսական զարգացման և դուալ կրթության համակարգի վերաբերյալ Շվեյցարիայի տեխնիկական փորձի կիրառմամբ։ 

Լրացուցիչ տեղեկությունների համար կարող եք դիմել Վարդան Ջանազյանին՝ Շվեյցարիայի համագործակցության երևանյան գրասենյակի լրատվության և հաղորդակցության պատասխանատուին։.

!
Այս նյութը հասանելի է նաև   English
Տպել
Կարդացեք նաև
Ամբողջը
«Ժողովուրդ». «Հայփոստ»-ի մի քանի ծառայությունների գներ կթանկանան
Թե ինչ կորոշի Հանրային ծառայությունները կարգավորող հանձնաժողովը, ցույց կտա...
Անապահովների համար գազը չի թանկանալու, իսկ բիզնեսի համար չի թանկանա այնքան, որ շոկային ազդեցություն ունենա. Փոխվարչապետ
Հուսով եմ, որ ԵԱՏՄ տարածքում միասնականություն կլինի այդ հարցի շուրջ…
«Ժողովուրդ». Կաթնամթերքի շուկայում լորջ գնաճ է լինելու
Բացի այս, «Ժողովուրդ» օրաթերթը ՀՀ վիճակագրական կոմիտեից տեղեկացավ, որ կաթնամթերքի, պանրի շուկայում 2021 թվականի դեկտեմբերին, 2020թ. նույն…
10 հոգանոց պատվիրակություն է մեկնում ԱՄԷ՝ մասնակցելու «ԷՔՍՊՈ 2020-Դուբայ» համաշխարհային ցուցահանդեսին
Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասը...
Դոլարը մի փոքր թանկացել է. եվրոյի փոխարժեքը նվազել է ավելի քան 4 դրամով
Թանկարժեք մետաղների համար բանկի կողմից սահմանվել են հետևյալ գները…
Մանրամասներ՝ ԱՊՊԱ վճարների վերաբերյալ. Բոնուս-Մալուս համակարգը եւս փոխվելու է
Փոփոխություններն ուժի մեջ են մտնում փետրվարի 7-ից և մարտի 1-ից…
Ամենաշատ