News
Լրահոս
News
Շաբաթ
Հունվար 29
USD
482.57
EUR
540.24
RUB
6.13
Տեսնել լրահոսը

Գերմանիայի Ֆրանկֆուրտ քաղաքում իր մահկանացուն է կնքել հայերի, հույների և ասորիների ցեղասպանությունների ճանաչման և դատապարտման համար շուրջ 20 տասնամյակ ակտիվ պայքար մղած թուրք մտավորական Ալի Էրթեմը, ով նաև հենց այդ նպատակով ստեղծված Միություն ընդդեմ Ցեղասպանության (Soykırım Karşıtları Derneği) կազմակերպության հիմնադիրն ու նախագահն էր։

Այդ մասին ափսոսանքով հաղորդում է Akunq.net-ի խմբագրությունը՝ միաժամանակ ցավակցություն հայտնելով Ալիի տիկնոջը՝ Սելայ Էրթեմին, դուստրերին և մյուս մտերիմներին ու հարազատներին։

Աղբյուրի փոխանցմամբ՝ Ալի Էրթեմը հիշյալ կազմակերպությունը հիմնել էր դեռևս 1998 թվականին և հենց այդ տարի էլ առաջին անգամ այցելել Հայաստան՝ հարգանքի տուրք մատուցելու Մեծ եղեռնի անմեղ զոհերի հիշատակին։

Միություն ընդդեմ Ցեղասպանության կազմակերպությունը հիմնադրման ամսաթվից սկսած ամեն տարի, ապրիլի 24-ին որևէ ներկայացուցիչ էր ուղարկում Երևան՝ միության անդամների անունից Ծիծեռնակաբերդի հուշահամալիրին ծաղկեպսակ խոնարհելու համար։ Միության անդամները միաժամանակ խորհրդանշական գումար էին հավաքում և նվիրաբերում Հայոց ցեղասպանության թանգարան-ինստիտուտին՝ Մեծ եղեռնից վերապրած հայերին փոխանցելու կամ այլ ծախսեր հոգալու նպատակով։

Կազմակերպությունը նաև ակտիվ գործունեություն էր ծավալում Ֆրանկֆուրտում, Գերմանիայի այլ քաղաքներում, ինչու չէ, նաև՝ այլ երկրներում։ Այսպես, միությունը երբեմն հանդես էր գալիս տարբեր միջոցառումներով, այդ թվում՝ դասախոսություն-սեմինարներ, կլոր սեղան-քննարկումներ և այլ հետաքրքիր ձեռնարկներ, որոնք բոլորն էլ նվիրված էին լինում Թուրքիայի կողմից իրագործված ցեղասպանությունների հետևանքների վերացմանը (Այդ մասին ավելի մանրամասն տես)։ 

Միություն ընդդեմ Ցեղասպանության կազմակերպությունը ժամանակ առ ժամանակ ակցիաներ էր իրականացնում Ֆրանկֆուրտում Թուրքիայի հյուպատոսարանի կամ Գերմանիայում Թուրքիայի այլ ներկայացուցչությունների մոտ՝ հիշեցնելով այդ երկրին իր գործած մեծ ոճիրների մասին։ Նման մեծ ակցիա կազմակերպվեց Հայոց ցեղասպանության 100-ամյա տարելիցին, 2015 թ․ ապրիլին Ֆրանկֆուրտում Թուրքիայի հյուպատոսարանի առջև։ Մասնավորապես, կազմակերպության անդամները, ապրիլի 24-ին նահատակված հայ մտավորականների լուսանկարները բռնած, բողոքի ակցիա իրականացրեցին հյուպատոսարանի դիմաց (Այդ մասին մանրամասն տես

Ալի Էրթեմը վերջին անգամ Հայաստան էր այցելել 2019 թ․ գարնանը։ Կարծես թե իր մոտալուտ վախճանի մասին կանխազգացում ունենալով՝ նա և միության մյուս անդամներն այդ անգամ իրենց հետ Երևան էին բերել նաև իրենց զավակներին՝ ցանկանալով ցեղասպանությունների և մարդկայնության դեմ գործված մյուս հանցագործությունների դեմ պայքարի ջահը փոխանցել գալիք սերունդներին։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ցեղասպանությունից հրաժարվելու, զինանշանը փոխելու հարցում որոշողը ՀՀ-ն է, եւ պրոցեսը, կարծես թե, գնում է․ Դանիելյան
«Դա է գինը, որը կարող է միանձնյա որոշումով տալ Հայաստանն, առանց Ռուսաստանի ու Իրանի դիմակայության»․․․
Հայաստանի Հանրապետական ​​կուսակցություն. Նիկոլ Փաշինյանը Հայոց ցեղասպանությունը կվաճառի թուրքերին
«Երեկվա ասուլիսի ժամանակ Փաշինյանը եւս մեկ անգամ ցույց տվեց, որ իր օրոք Հայաստանը երբեք Հայոց ցեղասպանության ճանաչման քաղաքականություն չի վարի...
Ավստրալիայի Երիտասարդական լիբերալ շարժումը վերահաստատել է Հայոց ցեղասպանության և Արցախի ինքնորոշման իրավունքի ճանաչումը
Ավստրալիայի Երիտասարդական լիբերալ շարժումն ընդունել է 1915 թվականի…
ԱԳՆ. Հազիվ թե Հայաստանում որեւէ իշխանություն կասկածի տակ դնի Հայոց ցեղասպանության փաստը
Վարչապետի պաշտոնը զբաղեցնող անձը խուսափեց ամբիոնից այս խոսքերը կրկնելուց․․․
Ընդդիմադիր. Հայաստանի իշխանությունը կարող է հրաժարվել Հայոց ցեղասպանությունից եւ Ղարաբաղից
Նրա խոսքով՝ Հայաստանի ներկայիս իշխանությունը կատարում է Թուրքիայի նախապայմանները․․․
Ավստրալիայի համայնքները կառավարությանը կոչ են արել ճանաչել Օսմանյան կայսրությունում տեղի ունեցած ցեղասպանությունը
Առաջարկն արժանացել է խորհրդարանի հավանությանը...
Ամենաշատ
Ֆոտոռեպորտաժներ