News
Լրահոս
News
Չորեքշաբթի
Հունվար 19
USD
481.65
EUR
546.14
RUB
6.3
Տեսնել լրահոսը

Ռուսաստանի արտաքին գործերի նախարար Սերգեյ Լավրովն ու ԱՄՆ պետքարտուղար Էնթոնի Բլինքենը բանավիճել են Ուկրաինայում իրավիճակի պատճառով, գրում է Bloomberg-ը:

Նրա տեղեկություններով՝ լեզվակռիվը տեղի է ունեցել Ստոքհոլմում դեկտեմբերի 1-ին կայացած պաշտոնական ճաշկերույթի ժամանակ նախքան ԵԱՀԿ ԱԳ նախարարների խորհրդի նիստի մեկնարկը: Միջոցառման ընթացքում Լավրովն ասել է, որ 2014 թվականին Ուկրաինայում իրադարձությունները պետական հեղաշրջում էին: Բացի այդ, նա հայտարարել է, որ ՆԱՏՕ-ն ու Եվրամիությունը միտումնավոր են ճնշում այլախոհությունն ու փորձում են վախեցնել Ռուսաստանին:

Ի պատասխան՝ Բլինքենը հայտարարել է, որ ուժերը, որոնք, իբրեւ, հավատարիմ էին Վիկտոր Յանուկովիչին, ներգրավված էին 2014 թվականին Կիեւում խաղաղ ցուցարարների ուղղությամբ հրաձգության մեջ, ինչպես նաեւ ընդգծել, որ ՆԱՏՕ-ն պաշտպանական միություն է, հաղորդում է ՏԱՍՍ-ը:

Վերջին շրջանում Արեւմուտքի երկրներում, ինչպես նաեւ Ուկրաինայում հնչում են Ուկրաինայի տարածքում Ռուսաստանի հնարավոր ներխուժման մասին հայտարարություններ: Ռուսաստանի նախագահի մամուլի քարտուղար Դմիտրի Պեսկովն անվանել է այդ տեղեկատվությունը լարվածության դատարկ ու անհիմն հրահրում: Պեսկովն ընդգծել է, որ Ռուսաստանը ոչնչի համար սպառնալիք չի ներկայացնում: Ընդ որում՝ նա չի բացառել սադրանքների հավանականությունը, որը նպատակ ունի արդարացնել այդպիսի հայտարարությունները, եւ նախազգուշացրել է, որ Ուկրաինայի հարավ-արեւելքում ճգնաժամի ուժային որոշումները կունենան ամենալուրջ հետեւանքները:

!
Այս նյութը հասանելի է նաև   Русский
Տպել
Ֆոտոռեպորտաժներ