News
Լրահոս
News
Շաբաթ
Հունվար 29
USD
482.57
EUR
540.24
RUB
6.13
Տեսնել լրահոսը

Ավելի քան 20 երկրներ եւ Եվրամիությունը ներկայացել են համատեղ հայտարարությամբ՝ «խորին մտահոգություն» հայտնելով աֆղանական անվտանգության ուժերի նախկին աշխատակիցների ենթադրյալ սպանությունների ու բռնի անհետացումների կապակցությամբ:

«Մենք ընդգծում ենք, որ ենթադրվող գործողությունները մարդու իրավունքների լուրջ խախտումներ են ենթադրում եւ հակասում են թալիբների հայտարարած համաներմանը: Մենք կոչ ենք անում «Թալիբանին» արդյունավետորեն ապահովել աֆղանական անվտանգության ուժերի նախկին անդամների եւ կառավարության նախկին պաշտոնյաների համաներումը»,-ասվում է 21 երկրների եւ Եվրամիության համատեղ հայտարարության մեջ:

Նրանք հայտարարել են, որ սպանությունների կամ բռնի անհետացման մասին ցանկացած հաղորդագրությունները պետք է հետաքննվեն անհապաղ եւ թափանցիկ եղանակով, եւ կոչ արել պատասխանատվության ենթարկել մեղավորներին: Նրանք նաեւ հայտարարել են, որ այդ քայլերը պետք է հստակ ներկայացվեն հանրությանը՝ որպես հետագա սպանությունները եւ անհետացումներն անհապաղ զսպելու միջոց: «Մենք կշարունակենք գնահատել թալիբներին իրենց գործողություններով»,-ասվում է համատեղ հայտարարության մեջ:

Ավելի վաղ Human Rights Watch-ը, որին համատեղ հայտարարության մեջ անվանում են կազմակերպություններից մեկը, որը փաստաթղթավորել է այդ հարցը, հրապարակել էր հաշվետվություն, որում ասվում է, որ օգոստոսի կեսերից ի վեր աֆղանական անվտանգության ուժերի ավելի քան 100 նախկին աշխատակից է սպանվել կամ անհետ կորել: Կազմակերպությունը հայտարարել է, որ անհետացումներն ու սպանություններն իրագործվել են թալիբների կողմից՝ չնայած խոստացված համաներմանը:

!
Այս նյութը հասանելի է նաև   Русский
Տպել
Ամենաշատ