Չեխիայի նոր վարչապետ Պյոտր Ֆիալայի կառավարությունը դեմ է կենսաթոշակառուների եւ որոշ մասնագիտությունների ներկայացուցիչների շրջանում քովիդի դեմ պարտադիր պատվաստումներին, ինչպես պահանջում է դատական հայց ներկայացրած Անդրեյ Բաբիշի կառավարությունը, հայտարերել է աշխատանքի եւ սոցիալական հարցերի նախարարի թեկնածու Մարտին Յուրեչկան, հաղորդում է ՏԱՍՍ-ը:
«Մեր կառավարությունը կչեղարկի 60 տարեկանից բարձր եւ որոշ մասնագիտությունների ներկայացուցիչ մեր հայրենակիցների շրջանում պարտադիր պատվաստման որոշումը»,-նշել է նա: Հանրապետության նոր իշխանությունների կարծիքով՝ այդ միջոցն արդյունավետ չէ, եւ քաղաքացիները պետք է պատվաստվեն կամավորության հիման վրա, համարում են նրանք:
Նոր իշխանությունները պատրաստվում են պայքարել կորոնավիրուսի դեմ երկրում գործող համաճարակաբանական կանոնները, այդ թվում՝ հանրային վայրերում բժշկական դիմակներ կրելու պահանջը խախտելու դեպքում վարչական տույժերի խստացման միջոցով: Այդուհանդերձ, ինչպես նշել է Յուրեչկան, նոր կառավարությունը պատրաստ է դիտարկել կառավարություն ներկայացրած կոլեկտիվ դիմումներն առանձին մասնագիտությունների ներկայացուցիչներից իրենց ոլորտներում պարտադիր պատվաստումների առնչությամբ:
Առողջապահության գործող նախարար Ադամ Վոյտեխն իրազեկել է դեկտեմբերի 3-ին, որ առաջիկայում կսկսի գործել 60 տարեկանից բարձր մարդկանց, ինչպես նաեւ բժիշկների, սոցիալական պաշտպանության ծառայությունների աշխատակիցնրեի, հրշեջների ու ոստիկանների շրջանում պարտադիր պատվաստման որոշումը, որը պետք է հրապարակվի առաջիկա շաբաթներին եւ գործի 2022 թվականի մարտի 1-ից:
Չեխիայի բնակչությունը կազմում է շուրջ 10,7 միլիոն մարդ, սակայն Եվրամիությունում կորոնավիրուսով վարակվելու նոր դեպքերի թվով առաջին հորիզոնականներից մեկն է գրավում երկիրը:
