News
Լրահոս
News
Երեքշաբթի
Հունվար 18
USD
481.49
EUR
550.01
RUB
6.3
Տեսնել լրահոսը

ԱԺ «Քաղաքացիական պայմանագիր» խմբակցության պատգամավոր Զարուհի Բաթոյանը ֆեյսբուքյան իր էջում տեղեկացրել է, որ ՀՀ վարչապետի հանձնարարությամբ Քաղաքաշինության, տեխնիկական և հրդեհային անվտանգության տեսչական մարմինը ՀՀ մարզերում պետական և ՏԻՄ մարմինների շենքերում կատարել է հաշմանդամություն ունեցող անձանց համար մատչելի պայմանների գնահատում՝ ըստ «Շենքերի և շինությունների մատչելիությունը բնակչության սակավաշարժուն խմբերի համար» շինարարական նորմերի:

«Տեսչական մարմնից հայտնում են, որ գնահատված օբյեկտները տարբեր ժամանակահատվածներում կառուցված և գործող օբյեկտներ են։ Այս պահին ձեռքիս տակ են միայն թեքահարթակներին վերաբերող ուսումնասիրության արդյունքները:

ՀՀ մարզերում առկա 1170 օբյեկտներից թեքահարթակներ ունեն 116-ը (10%), 161 (14%) օբյեկտում թեքահարթակները կառուցված են խախտումներով, 813 (69%) շենք-շինություններում թեքահարթակները բացակայել են, 80-ում էլ՝ (7%) դրանց առկայությունը չի պահանջվում:

Հիշեցնեմ, որ քաղաքաշինության մասին ՀՀ օրենքը հաշմանդամություն ունեցող անձանց համար մատչելի միջավայրի ապահովման պահանջը սահմանել է 2002 թվականից, իսկ շինարարական նորմերը ուժի մեջ են մտել 2007 թվականին քաղաքաշինության նախարարի հրամանով»,- նշված է գրառման մեջ:

Տպել
Ամենաշատ
Ֆոտոռեպորտաժներ