Սեւան խոշորացված համայնքի Ավագանու ընտրություններին համոզիչ հաղթանակ է տարել «Սարգիս Մուրադյան» դաշինքը, որը գլխավորում է Սեւանի գործող քաղաքապետ Սարգիս Մուրադյանը: Հայաստանի ԿԸՀ տվյալներով՝ 24 ընտրատեղամասերից 22-ի տվյալները հաշվելուց հետո նշված դաշինքի օգտին է քվեարկել 77,95 տոկոսը (8584 ձայն): Երկրորդ տեղում է ՀՅԴ Դաշնակցությունը 12,1 տոկոս ձայներով (1333 ձայն): Վերջին տեղը զբաղեցրել է Արամ Սարգսյանի «Հանրապետություն» կուսակցությունը, որի օգտին քվեարկել է 9,88 տոկոսը (1090 քաղաքացի): Սեւանում ընտրողների մասնակցությունը կազմել է 40,7 տոկոս: Հատկանշական է, որ Սեւան խոշորացված համայնքում Հայաստանի վարչապետի կուսակցությունը չի մասնակցել:
