News
Լրահոս
News
Ուրբաթ
Մարտ 29
Տեսնել լրահոսը

Դեկտեմբերի 10-ին Բիշքեկում (Ղրղզստանի Հանրապետություն) տեղի կունենա «Ռուսաց լեզվի ուսուցումը ԱՊՀ երկրների տարածքում. առանձնահատկություններ, հեռանկարներ, խնդիրներ» միջազգային ֆորումը։

Հաշվի առնելով համաճարակաբանական իրավիճակը՝ ֆորումը կանցկացվի խառը, առկա-հեռավար ձևաչափով։ Ֆորումի բացումը տեղի կունենա տեղական ժամանակով առավոտյան ժամը 10։00-ին։ Միջոցառման ավարտից հետո բոլոր մասնակիցները կստանան անհատականացված վկայական:

Միջազգային ֆորումը բաց հարթակ է ԱՊՀ երկրներում ռուսաց լեզվի դասավանդման արդիական հարցերի շուրջ կարծիքների փոխանակման համար։ Ֆորումը կմիավորի ռուսաց լեզվի ուսուցիչներին Հայաստանից, Բելառուսից, Ղազախստանից, Ղրղզստանից, Մոլդովայից և կամրապնդի մասնագիտական կապերը այդ երկրների ուսուցիչների միջև:

Ֆորումի ծրագիրը ներառում է ռազմավարական նիստեր, դասախոսություններ, կլոր սեղաններ և վարպետության դասեր արտասահմանում ռուսաց լեզվի դասավանդման ոլորտում ճանաչված փորձագետների և գիտնականների կողմից: Հայաստանը ֆորումում ներկայացնում է Երևանի պետական համալսարանի ռուսաց լեզվի և գրականության մագիստրոս, «Հայաստանի ռուսաց լեզվի լավագույն ուսուցիչ 2015» մրցույթի դափնեկիր, ռուսաց լեզվի ուսուցիչների Պուշկինի անվան XVIII միջազգային մրցույթի դափնեկիր Մ.Ա Քոչարյանը և բանասիրական գիտությունների թեկնածու, Ռուս-հայկական սլավոնական համալսարանի ռուսաց լեզվի և մասնագիտական հաղորդակցության ամբիոնի դասախոս, 2021 թվականի Պուշկինի դափնեկիր, «Տարվա ուսուցիչ 2021» մրցույթի հաղթող, «Գիտության և ստեղծագործության սիներգիա 2019 թ․» մրցույթի հաղթող Ս.Ա Թունյանը։

Տպել
Ամենաշատ