News
Լրահոս
News
Շաբաթ
Հունվար 29
USD
482.57
EUR
540.24
RUB
6.13
Տեսնել լրահոսը

Եվրոպական տիեզերական գործակալության (ESA) ղեկավարը կոչ է արել եվրոպացի առաջնորդներին թույլ չտալ Իլոն Մասկին գերիշխել տիեզերական տնտեսությունում:

Financial Times-ի հետ հարցազրույցում Յոզեֆ Աշբախերը, ով մարտին ստանձնել է ESA-ի գործադիր տնօրենի պաշտոնը, զգուշացրել է, որ կառավարությունները թույլ են տալիս տեխնոլոգիական միլիարդատեր Մասկին «կանոններ սահմանել» տիեզերքում: Նրա խոսքով՝ Եվրոպայի պատրաստակամությունը՝ օգնել Մասկին ընդլայնել իր արբանյակային ինտերնետ ծառայությունը՝ Starlink-ը, կարող է վնասել տարածաշրջանի մրցակիցներին, որոնք չեն կարողանա օգտվել տիեզերքի տրամադրված առեւտրային հնարավորություններից:

«Տիեզերքը շատ ավելի սահմանափակ կլինի հաճախականությունների եւ ուղեծրային ինտերվալների առումով», - կարծում է Աշբախերը: «Եվրոպայի կառավարությունները պետք է հետաքրքրված  լինեն նրանով, որ եվրոպական պրովայդերներին արդար շուկայում խաղալու հավասար հնարավորություններ տրամադրեն»:

Գերմանիան դիմել է Հեռահաղորդակցության միջազգային միությանը՝ Starlink-ին մոտ 40 հազար արբանյակ արձակել թույլ տալու համար։ Եվրոպական առաջատար տնտեսությունը նաեւ սուբսիդիաներ է առաջարկում Starlink-ին՝ գյուղական համայնքներին լայնաշերտ կապ ապահովելու համար: ԱՄՆ-ում Մասկն արդեն թույլտվություն է ստացել ավելի քան 30.000 արբանյակների համար։ Իր լայնաշերտ հասանելիությունը գլոբալ մակարդակի հասցնելու նպատակով՝ հայտնի ձեռնարկատերը նախատեսում է նաեւ դիմել Հնդկաստանում լիցենզիայի համար:

«Կա մեկ մարդ, ում պատկանում է աշխարհի ակտիվ արբանյակների կեսը: Դա պարզապես ապշեցուցիչ է: Դե ֆակտո նա է կանոններ սահմանում։ Մնացած աշխարհը՝ ներառյալ Եվրոպան, բավականաչափ արագ չեն արձագանքում», - զգուշացրել է Աշբախերը:

Starlink-ը մրցում է OneWeb-ի՝ Մեծ Բրիտանիայի կառավարության կողմից աջակցվող ընկերության հետ՝ ստեղծելու Երկրի ցածր ուղեծրով արբանյակների մեգա համաստեղություն՝ լայնաշերտ ծառայությունները բարելավելու նպատակով:

Amazon Project Kupier-ը եւ Չինաստանի կառավարությունը նույնպես Երկրին մոտ ուղեծրում արբանյակներ արձակելու ծրագրեր ունեն:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՆԱՍԱ-ն, հնարավոր է, Մարսի վրա հնագույն կյանքի ապացույցներ է գտել
Իհարկե, ինչպես Կարմիր մոլորակի վրա հայտնաբերված շատ նախկին նմուշներ, դրանք նույնպես շարունակում են նոր հարցեր առաջացնել․․․
Աստղագետները գալակտիկայի կենտրոնից տարօրինակ կրկնվող ազդանշան են որսացել
Այսպես նրանք նկատել են ռադիոալիքների պոռթկումը, եւ երբ ստուգել են ավելի վաղ ժամանակահատվածի տվյալները, հայտնաբերել են, որ նման ազդակներ պարբերաբար լինում են նույն տարածաշրջանում․․․
Նոր աստղակերպը Երկրի հետ բախվելու ամենաբարձր ռիսկն ունի բոլոր հայտնիների շարքում
Աստղակերպի չափը մոտ 70 մետր է, այն շարժվում է վայրկյանում գրեթե 20 կիլոմետր արագությամբ․․․
Գիտնականները պարզում են, թե երբ կմահանա Արեգակը
Արեգակի կյանքի ավարտին դեռեւս տրիլիոնավոր տարիներ կան...
Երկրի կողքով պոտենցիալ վտանգավոր աստերոիդ է անցել
Հունվարի 18-ին այն անցել է մեզանից մոտ 2 միլիոն կմ հեռավորության վրա...
Չինաստանում ստեղծել են ցածր ձգողականությամբ արհեստական լուսին
Լուսնի նմանակի նախատիպը ստեղծել են Չինաստանի տեխնոլոգիաների համալսարանի մասնագետները...
Ամենաշատ
Ֆոտոռեպորտաժներ