Ֆրանսիան չորս շաբաթով փակում է գիշերային ակումբները կորոնավիրուսի դեպքերի աճի պատճառով, հայտնում է The New York Times-ը։

Պաշտոնյաները գիշերային ակումբները փակելու որոշումը պայմանավորում են երիտասարդների շրջանում վարակների աճով։ «Այժմ պարետային ժամերի կամ լոքդաունների ժամանակը չէ․ սա անհամաչափ կլինի»,-ասել է վարչապետ Ժան Կաստեքսը:

«Սակայն հանգամանքները պահանջում են անհատական ​​եւ հավաքական ջանքեր՝ ապահովելու համար, որ յուրաքանչյուրը կսահմանափակի վարակի վտանգը»,-հավելել է նա։