Նորվեգացի հնագետները երկրի հարավ-արեւելյան մասում գեոռադարի միջոցով երկար տների կուտակում են հայտնաբերել, այդ թվում ամենամեծը` Սկանդինավիայում, մի տարածքում, որը, ըստ հետազոտողների, կենտրոնական տեղ է եղել ուշ սկանդինավյան երկաթի դարում, հայտնում է AP-ն:
Երկար տները (երկար նեղ մեկ սենյականոց տան տեսակ) հայտնաբերվել են Ջելեստադում` Օսլոյից 86 կիլոմետր հարավ-արեւելք` այն վայրից քիչ հեռու, որտեղ 2018 թվականին Շվեդիայի սահմանի մոտ վիկինգների դարաշրջանի նավ էր հայտնաբերվել:
«Մենք երկաթի դարին բնորոշ մի քանի շենք ենք գտել։ Ամենաապշեցուցիչ հայտնագործությունը 60 մետր երկարությամբ եւ 15 մետր լայնությամբ տունն է, որի չափսերն այն Սկանդինավիայում մեզ հայտնի ամենախոշորներից մեկն են դարձնում»,- ասել է Նորվեգիայի հետազոտությունների եւ հետազոտությունների ինստիտուտի հնագետ Լարս Գուստավսենը: