News
Լրահոս
News
Կիրակի
Հունվար 16
USD
480.88
EUR
550.94
RUB
6.32
Տեսնել լրահոսը

Մետատիեզերքը կործանարար կդառնա հասարակության համար, երբ այն ստանա իր իրական ձեւը հաջորդ տասնամյակի ընթացքում: Սակայն մի քանի ընկերություն կարող է մեծ օգուտ քաղել նոր թվային էկոհամակարգից, ասում է Jefferies-ի վերլուծաբան Սայմոն Փաուելը, գրում է Yahoo Finance-ը։

«Միակ մետատիեզերքը կարող է ի հայտ գալ 10 տարի անց, բայց զարգացմանը զուգահեռ այն կարող է խաթարել մարդու կյանքում գրեթե ամեն ինչ, ինչը դեռ չի խաթարվել»,- ասել է Փաուելը:

«Համավարակն արագացրել է տարբեր տեխնոլոգիաների ներդրումը։ Շատ մարդիկ ստիպված են իրենց կյանքից ավելի շատ ժամանակ ծախսել առցանց՝ հաղորդակցությունից մինչեւ աշխատանք, կրթությունից մինչեւ զվարճանք: Այս անցումն առցանց աշխարհ կշարունակվի»։

Իր ամենապարզ ձեւով մետատիեզերքն առցանց աշխարհ է, որը ընդլայնված իրականություն, վիրտուալ իրականություն եւ 3D ավատարներ է ներառում: Այս աշխարհի ձեւավորմանը զուգահեռ ամեն ինչ կարող է կտրուկ փոխվել: «Ամեն ինչի թվայնացումը նոր աշխարհ կստեղծի, ուր մենք բոլորս կարող ենք մտնել եւ դուրս գալ: Մետատիեզերքը կարելի է որպես թվային դարաշրջանի նոր հարթակ դիտարկել: Մենք դա որպես պատյան են դիտարկում, որը կմիավորի այլ թվային հարթակներ: Այն չի փոխարինի համացանցը, այլ կկառուցվի դրա վերեւում եւ, այլ տեխնոլոգիաների եւ ինտերֆեյսների հետ համատեղ, թույլ կտա մեզ, ըստ էության, մտնել այնտեղ եւ, հնարավոր է, ապրել դրանում»,- բացատրում է Փաուելը:

Ակնկալվում է, որ այս վիրտուալ միջավայրը կփոխի ոչ միայն մարդկանց փոխազդեցության ձեւը ֆիզիկական աշխարհի հետ, այլ նաեւ այն, թե ինչպես ենք մենք աշխատում այլոց հետ:

Փաուելը խոստովանում է, որ ներդրողների համար դեռ վաղ է ընտրել վերջնական հաղթողներին մետատիեզերքում: Բայց ներդրողները կարող են սկսել «հարձակման պլան» մշակել։

«Սկզբում կենտրոնացեք այն սարքերի վրա, որոնք անհրաժեշտ են ինտերնետը մետատիեզերքի վերածելու համար: Այնուհետեւ` այն ծրագրային ապահովման, որը կնախագծի եւ կտեղադրի այն, եւ, ի վերջո, այն ձեռնարկությունների, որոնք օգտագործման սցենարներ են ստեղծում»,- հավելել է Փաուելը:

Վերլուծաբանը մետատիեզերքից մի քանի պոտենցիալ հաղթողների է առանձնացնում հիմնականում` սոցցանցերի եւ խաղերի ոլորտներից։

«Facebook (Meta)/SNAP-ը երկուսն էլ աշխատում են մետատիեզերքի համար անհրաժեշտ սարքերի վրա` միեւնույն ժամանակ սոցիալական հարթակների զգալի հասանելիություն ունենալով: Roblox-ը (RBLX) ամենամոտն է վաղ մետատիեզերքին: TakeTwo-ն (TTWO) ներկայումս թողարկում է երեք խաղ, որոնք, հնարավոր է, կարող են մետատիեզերք լինել վաղ փուլում: Electronic Arts-ը (EA) ունի մի քանի IP հասցեներ, որոնք կարող են վերածվել պատերով մետատիեզերքի՝ Skate-ը, Sims-ը, SimCity-ն եւ նույնիսկ դրա սպորտային ֆրանշիզները: Activision Blizzard-ը (ATVI) վաղ մետատիեզերքի նորարարներից մեկն է` World of Warcraft-ով իր գրադարանում: Ավելին, Call of Duty-ն կարող է օգտագործել մետատիեզերքի կառուցման գործիքներից շատերը՝ օգտատերերին ավելի լավ դրամայնացնելու եւ ներգրավելու համար»,- նշում է Փաուելը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Խնդիրը լուծվել է և ինտերնետ կապը վերականգնվել է. Բիլայն Արմենիա
Շնորհակալ ենք մեր ծառայություններից օգտվելու համար և ևս մեկ անգամ հայցում ենք ձեր…
Microsoft-ը շտկել է Windows 11-ի նոր բետա տարբերակի նախկին սխալներն ու թերությունները
Հարկ է նշել, որ նկարագրված սխալի պատճառով շատ օգտատերեր չէին կարողանում մուտք գործել տարբեր ծրագրեր...
Վնասվել են Վրաստանի սահմանից եկող օպտիկական մալուխները, բաժանորդները զրկվել են Ինտերնետ կապի հասանելիությունից. Բիլայն
Վրաստանի գործընկերների կողմից ձեռնարկվում են անհրաժեշտ բոլոր միջոցները ծառայության…
TechCrunch. մետատիեզերքը կլցվի «էլֆերով»
Մետատիեզերքի ամենավտանգավոր մասը՝ ծրագրերի կողմից կառավարվող արհեստական ​​գործակալներ․․․
Բացահայվել է հանովի ծալվող էկրանով նոութբուք
Հարավկորեական Samsung ընկերությունը պատենտավորել է հանովի էկրանով նոութբուք...
ԱՄԷ-ում կատարել են թռչող էլեկտրամեքենայի նախատիպի առաջին թեստավորումները
Ցանցում հայտնվել է թռչող «հիպերքարի» թեստերի տեսանյութը...
Ֆոտոռեպորտաժներ