News
Լրահոս
News
Կիրակի
Հունվար 23
USD
482.12
EUR
546.68
RUB
6.3
Տեսնել լրահոսը


Ձայնագրությունն արվել է Ֆրանսիայի Սենատում պաշտոնական հանդիպումից  հետո հայ համայնքի ներկայացուցիչների հետ հանդիպմանը։ Այս մասին իր ֆեյսբուքյան էջում գրել է ԱԺ նախագահ Ալեն Սիմոնյանի խոսնակ Ծովինար Խաչատրյանը՝ պարզաբանելով այսօր համացանցում տարածած աղմկահարույց ձայնագրությունը Սիմոնյանի մասնակցությամբ։

Նա, մասնավորապես, նշել է․

«Ֆրանսիայի Սենատում պաշտոնական հանդիպումից  հետո  ընդունելությանը ներկա էին նաև Ֆրանսիայի հայ համայնքի ներկայացուցիչներ: Նրանց հետ ՀՀ ԱԺ նախագահ Ալեն Սիմոնյանը անկաշկանդ մթնոլորտում, ոչ հրապարակային զրույց է ունեցել: Զրուցել են որպես ՀԱՅԵՐ և բացարձակ անկեղծ հարցուպատասխանի ընթացքում ԱԺ նախագահն աշխատել է ՍՓՅՈՒՌՔԱՀԱՅԻՆ հետաքրքրող բոլոր հարցերին լիարժեք պատասխանել: Ի սկզբանե պայմանավորվել են, որ ուղղակի զրուցում են և այն չի արձանագրվելու, զրույցի ընթացքում Ալեն Սիմոնյանի ճշտող հարցին,ԱՂՋԻԿը պատասխանում է, որ չի ձայնագրում: Փաստորեն  ԳԱՂՏՆԻ ձայնագրություն  կա: Ներկայացնեմ ողջ, ՉՄՈՆՏԱԺՎԱԾ զրուցի սղագրությունը:

Ալեն Սիմոնյան: Եկեք ճիշտը խոսենք, էլի: Մի շաբաթ առաջ մենք Հայաստանի սահմանում -իրենց սատկացրել ու հետ ենք շպրտել:

-Մենք դա տեսանք եւ շատ ոգեւորվեցինք:

 Հիմա մեր դեմ Ադրբեջանը չի, որը մեզնից երեք անգամ ավելի մեծ է, մեր դեմ Ադրբեջանը եւ Թուրքիան է, ՆԱՏՕ-ի երկրորդ բանակը: Մենք  44 օր պատերազմել ենք երեք պետության հետ՝ ՆԱՏՕ-ի, Պակիստանի եւ Ադրբեջանի  դեմ: 44 օր: Մենք պետք է, մեր ցանկությունն է, մեր հայրենասիրությունը, մեր էմոցիաները շատ-շատ մեր վրա ազդեցություն են ունենում: Բայց պետք է մի քիչ սթափ գնահատենք: Էդ գերիների, էդ մարդկանց, էդ զինվորների նպատակը ո՞րն է եղել, երբ որ իրենք գնացել են:

-Պաշտպանել հայրենիքը:

-Ալեն Սիմոնյան:  Հայրենիքը, հիմա: Եթե ես հիմա պետք է էդ գերիների պատճառով պիտի Սյունիք  կորցնեմ, եթե ես պիտի Սիսիան կորցնեմ, կներես, մի քիչ կարող է սխալ բան եմ ասում, բայց ես էդ գերիներին  համարում եմ, որ արդեն  իրենք չկան, իմ համար չկան:   Իսրայելը, երբ որ տեռորիստը վերցնում է ինքնաթիռ, ինքը տեռորիստի հետ չի բանակցում,  ինքը խփումա էդ ինքնաթիռը: Մենք պետք է հասկանանք՝ մի նժարի վրա ինչա դրած, իսկ  մյուսի վրա ինչա դրած: Այո, բնականաբար, մենք այդ տղերքին հետ ենք բերելու, դա չի քննարկվում: Բայց մենք չենք կարա ամբողջ Հայաստանը, Արցախը, ամբողջ հայությունը  պատանդ դնենք: Իսկ գիտե՞ս, թե ովքեր են էդ գերիները: Էդ էն մարդիկ են, որոնք  զենքը դրել եւ փախել են, մոլորվել են: Ես սա բարձր չեմ կարող ասել: Իրենք զենքը դրել եւ փախել են: Հայտնվել են գերության մեջ: Բնականաբար, մենք էդ տղերքին հետ ենք բերելու, դա չի քննարկվում: Էս մեր մեջա մնում, սա չբարձրաձայնեք խնդրում եմ ձեզ: Ես սա բարձրաձայն չեմ ասի, որովհետեւ նախ ծնողներին կվիրավորեմ եւ այլն, եւ այլն… Բայց մենք պետքա հասկանանք… Մենք ուզում ենք Հայաստանը… Գերիներին հետ են տալու: Այլընտրանք չունեն: Իրենք էդ գերիներին պահել են՝ որպես սակարկման բան, որ մեր վրա ճնշեն, որ մենք իրենց ճանապարհ տանք, որ Ղարաբաղը ճանաչենք իրենց կազմի մեջ:

Հարց-Կստացվի՞ իրենց մոտ:

Ալեն Սիմոնյան-Դե չի ստացվում: Դրա համար ենք մենք ասում, արդեն ակնարկում, որ դուք գերիներով մեզ, քառասուն հոգով, քառասունմեկ հոգով մեր ամբողջ երկիրը մի շանտաժի ենթարկի: Ես կարողա ծանր ու բարդ բան եմ ասում: Բայց սա պետական մտածելակերպա: Երբ դու հրաման ես տալիս գնալ, գրավել գյուղ, դու գիտես, որ զոհեր ես ունենալու, բայց քո նպատակը պետության համար այդ գյուղը վերցնելնա: Հիմա մենք պետք է հասկանանք, որ հա, մենք ամեն տեղ, էստեղ էլ եմ գերիների մասին, էսօր իմ ելույթի մեջ էլ գերիների մասին կա: Ամեն տեղ դրա մասին խոսում ենք, մտցնում ենք իրենց աչքը: Բայց մենք չենք կարող դա դնել մի նժարին ամբողջ ՀՀ համար: Մեր տղերքը նրա համար չեն զոհվել, որ մենք մեռնենք, կամ մենք ամեն ինչ հանձնենք թուրքին: Իրենք մինչեւ վերջ կռիվ են տվել: Էդ էնքան դժվար բանա: Էդ ընենց բան գիտակցությունա, որ պետքա հասկանաս, որ նման բան անելը ճիշտ չի:

Հարց-Նման բաների մասին չենք  խոսում, ճիշտ կասեր  ուզում եք ասել, որ  էդ ինքը հնարել էր, թե Արման Թաթոյանն էր հնարել …

Ալեն Սիմոնյան- Չէ, չէ, չէ,  ոչ Արման Թաթոյանն էր հնարել,   Արման Թաթոյանը չէր հնարել, բայց էն ինչ որ  ինքը արեց, ոչ  դա պետք չէր անել, որովհետև ես ստեղ կարող եմ ասել , որ մարդիկ կտտանքների են ենթարկվում, բայց էդ տղաները պետքա 40 օր հետո օրինակ հետ վերադառնային եւ ամբողջ ազգով ասել՝ գիտես ինչ իրեն բռնաբարել են եւ իրեն ստորացրել են հայ հասարակության մեջ էդ թեման պետքա… չեք նկարում չէ… պետքա ասես, որ չի կարելի վեր կենալ, ինքը նստել նկարագրումա մանրամասն հայ տղամարդուն ոնց են ստորացնում, ինչուա ինքը դա անում: Մենք գալիս ենք, ասում ենք կտտանքների են ենթարկվում, սպանում են, տանջում են, գնում ենք միջազգայինների հետ կռիվ ենք տալիս, ասում ենք հետ բերեք: Դա չի քննարկվում, բայց վեր կենալ ասել ամեն օր 5 տղա կարա գա չէ, եթե էդ 5 տղան գալիս ա  ու դու հայ տղա ես: Աստված մի արասցե իմ հետ, իմ վրա բերեմ էդ օրինակը։ Իմ հետ տենց բան լիներ, ես ասենք չգիտեմ, ինձ տանջեն, բռնաբարեն, ստիպեն, որ ես ցեխի մեջ քնեմ։ Ես կուզենայի՞ որ բոլորը ով տեսներ ասեր դու՞ էիր էդ տղան, որ քեզ բան էին անում։ Ինչի ա պետք ուղիղ եթերով դա ասել, էդ չի քննարկվում, ես ստեղ էլ ասեցի։ Դե մենք ասում ենք միջազգային ատյաններում, բայց դնել մանրամանս հնարովի որտեւ ինքը այնտեղ չի էղել, չգիտի ավելի վատա էղել։ Կարող ա իրոք ավելի վատ ա էղել։ Գնալ կանգնել էդ հայ տղամարդու,,,,,, ։ Մենք էսօր բանակում նաեւ արժանապատվության խնդիր ունենք։ Ո՛չ իմ առաքելությունը որնա՞, ես պետք է մտածեմ, որ ինչ որ ապուշ ֆեյբուքում իմ մասին վատ բան գրի, ոչ իմ առաքելությունը էնա որ, եթե պետքա ես իմ վրա հարված վերցնեմ, բայց մի հայ տղամարդու արժանապատվությունը գետնին չգցեմ։ Ինչա մտածելու էդ զինվորը, որ հիմա էսօր կանգնածա սահմանին, ես իրան ասում եմ սահման պահի ու ինքը լսում ա ու ընդից ասումա էդ ինչ թուրքի պրոպագանդայա»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վարչապետն ընդունել է ԵՄ պատվիրակությանը. Ընդգծվել է ԼՂ խաղաղ գործընթացի լիարժեք գործարկման անհրաժեշտությունը
Վարչապետ Նիկոլ Փաշինյանն ընդունել է ԵՄ խորհրդում ֆրանսիական...
Հայաստան-Թուրքիա հարաբերությունների կարգավորումը ՀՀ իշխանության մենաշնորհը չէ. ՀՅԴ Շվեդիայի կոմիտեություն
Ականատես ենք ՀՀ կառավարության ներքին և արտաքին պետականակործան...
Ադրբեջանի նախագահի աշխատակազմ. Զանգեզուրի միջանցքը կմիավորի ողջ թյուրքական աշխարհը
Զանգեզուրի միջանցքը կբարձրացնի մեր երկրի նշանակալիությունը, ասել է Սաադաթ Յուսիֆովան...
Արարատ Միրզոյանը Տոյվո Կլաարի հետ հանդիպմանը կարևորել է ԼՂ խնդրի կարգավորման շուրջ բանակցությունների լիարժեք վերսկսումը
Արարատ Միրզոյանը շնորհավորել է Ֆրանսիային ԵՄ խորհրդում նախագահությունը ստանձնելու կապակցությամբ՝ համոզմունք հայտնելով, որ այն արդյունավետ կլինի...
Հադրութի եւ Շուշի վերադարձը տեսականորեն հնարավոր է․ Սեյրան Օհանյան
Այսօր ոչ ոք չի կարող ասել, թե ինչ քարտեզներով է իրականացվելու սահմանագծումն ու ահմանազատումը. Դրա համար պետք է ստեղծվի համապատասխան խառը...
Մեր ժամանակ նույնիսկ ամոթ էր ադրբեջանական սադրանքների դեպքում միանգամից դիմել ՀԱՊԿ-ին. Սեյրան Օհանյան
Բավականին լուրջ աշխատանք է կատարվել ՀԱՊԿ-ի ռազմական բաղադրիչ զարգացման ուղղությամբ մինչեւ Նիկոլ Փաշինյանի իշխանության գալը...
Ֆոտոռեպորտաժներ