Ռազմական ուղղաթիռը, որում գտնվում էր Հնդկաստանի ԶՈւ պաշտպանության շտաբի պետ, գեներալ Բիփին Ռավաթը, չորեքշաբթի կործանվել է Թամիլնադ նահանգում, տեղեկացնում է ANI գործակալությունը։

Գործակալության տվյալներով՝ ուղղաթիռում նրա ընտանիքի չորս անդամներն էին եւ նրա օգնականները։ NDTV հեռուստաալիքի տեղեկություններով՝ չորս մարդ զոհվել է։ Ուղղաթիռում կարող էր գտնվել 14 մարդ։

Ինչպես տեղեկացնում է Հնդկաստանի ՌՕՈւ մամուլի ծառայությունը Թվիթերի իր էջում, աղետը տեղի է ունեցել Կունուր քաղաքում, Նիլգիրիս շրջանում։ «ՌՕՈւ Ми-17В-5 ուղղաթիռը, որում գտնվում էր գեներալ Բիփին Ռավաթը, այսօր վթարի է ենթարկվել Կունուրից ոչ հեռու (Թամիլնադ նահանգ)։ Վթարի պատճառը պարզելու համար հետաքննություն է սկսվել»,- ասվում է հաղորդագրությունում։