ՀՀ Ազգային ժողովի դեկտեմբերի 8-ի նիստում շարունակվում է 2022թ. պետական բյուջեի նախագծի քննարկումը։
Բյուջեի նախագիծը ներկայացրեց ֆինանսների նախարար Տիգրան Խաչատրյանը։ Իշխանությունների գնահատականով՝ բյուջեի եկամտային մասը կազմելու է 1 տրլն 947,8 մլրդ դրամ։ Միաժամանակ, բյուջեի ծախսերը 2022թ. կազմելու են 2 տրլն 184 մլրդ դրամ, իսկ դեֆիցիտը՝ 236,2 մլրդ դրամ։
«2022թ. պետական բյուջեի առաջնահերթություններում, նշված ծախսերից բացի, ներառված են 85 մլրդ 556 մլն դրամ ընդհանուր գումարի լրացուցիչ միջոցառումներ, որոնք կարող են իրացվել այն դեպքում, եթե պետբյուջեի եկամուտները գերազանցեն նախագծով նախատեսված գումարը»,- պարզաբանեց նախարարը։
