News
Լրահոս
News
Երեքշաբթի
Հունվար 25
USD
481.63
EUR
545.49
RUB
6.17
Տեսնել լրահոսը


Ընդդիմությունն աջակցում է անհայտ կորած եւ գերի ընկած զինծառայողների հարազատների բողոքի ակցիաներին։ Այս մասին դեկտեմբերի 8-ին լրագրողների հետ զրույցում ասաց «Հայաստան» խմբակցության պատգամավոր Էլինար Վարդանյանը։

Նա հայտնեց, որ հարազատները պատրաստ են ավելի արմատական ​​միջոցների դիմել, եթե իրենց հարցերի պատասխանը չստանան։ Միաժամանակ պատգամավորը բացատրեց, որ տեղյակ չէ, թե ինչ քայլեր են քննարկվում։ «Դա իրենց որոշումն է, եւ մենք կաջակցենք նրանց։ Անհայտ կորած եւ գերեվարված զինծառայողների հարազատներն ինձ ասացին, որ պետք է հանդիպում ունենային ԱԺ նախագահ Ալեն Սիմոնյանի հետ, սակայն այն չի կայացել, ինչը վրդովվեցրել է նրանց։ Նրանք ուզում են իմանալ, թե երբ են վերադառնալու իրենց հարազատները եւ ինչ են անում իշխանությունները դրա համար»,- ասաց Վարդանյանը։

Նա նշեց, որ պաշտոնյաների մասնակցությամբ քննարկում կազմակերպելու առաջարկին իշխանությունների կողմից որեւէ արձագանք չի եղել։ «Սպասում ենք նաեւ իշխող «Քաղաքացիական պայմանագիր» խմբակցության արձագանքին Ալեն Սիմոնյանի երեկվա հայտարարության վերաբերյալ. արդյո՞ք կիսում են այդ կարծիքը։ Դա է նրանց ընդհանուր գիծը, թե՞ ոչ»,- հավելեց պատգամավորը։

Ինչպես նշեց Վարդանյանը, Սիմոնյանը բանտարկյալների հարցը կապում է ճանապարհների եւ այլ խնդիրների հետ՝ պատասխանատվությունը ուրիշների վրա բարդելու համար, եւ նման հայտարարությունները համապատասխանում են Ադրբեջանի դիրքորոշմանը։ «Այսօր ադրբեջանական լրատվամիջոցներում կարելի է մեջբերումներ գտնել նրա զրույցից։ Սրանք վտանգավոր ազդանշաններ են, որոնք ուղարկվում են Ադրբեջան, վտանգավոր ազդանշաններ` մեր գերիների եւ նրանց ընտանիքների համար` հաշվի առնելով, որ նրանցից մի քանիսն արդեն սպանված են վերադարձվել։ Բացի այդ, կասկած կա, որ գերիների թիվը տարբերվում է պաշտոնապես հրապարակված թվերից»,- ասաց նա։

Անկախ գերեվարման հանգամանքներից՝ պետությունը, ըստ նրա, պատասխանատվություն է կրում Հայաստանի քաղաքացիների եւ գերիների վերադարձի համար, սակայն իշխանությունները չեն կարողանում առաջ տանել երկրի համար կարեւոր հարցերը. Նոյեմբերի 26-ի հայտարարության մեջ նրանք չկարողացան արձանագրել գերիներին վերադարձնելու անհրաժեշտությունը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ադրբեջանում տուրեր են սկսել դեպի օկուպացված Շուշի
Այսօր Բաքվից Շուշի է մեկնել առաջին մարդատար ավտոբուսը...
Հակառակորդը կեսգիշերին կրակոցներ է արձակել Կարմիր շուկայի հատվածում տեղակայված հայկական դիրքերի ուղղությամբ
Ադրբեջանական զինված ուժերը կեսգիշերին…
Օմբուդսմենի թեկնածու. Անվտանգության գոտին հայ-ադրբեջանական սահմանին չպետք է ֆետիշացնել
Անվտանգությունը չպետք է կտրել մարդկանցից, ասել է Քրիստինե Գրիգորյանը...
Ավստրալիայի Երիտասարդական լիբերալ շարժումը վերահաստատել է Հայոց ցեղասպանության և Արցախի ինքնորոշման իրավունքի ճանաչումը
Ավստրալիայի Երիտասարդական լիբերալ շարժումն ընդունել է 1915 թվականի…
Զինադադարից հետո մինչ օրս հայտնաբերվել և հաստատվել է 1706 աճյուն
Հրշեջ փրկարարները շաբաթվա ընթացքում կատարել են 3 ելք: Արձանագրված հրդեհները ժամանակին մարվել են: Ոչ ոք չի տուժել...
Վարչապետն ընդունել է ԵՄ պատվիրակությանը. Ընդգծվել է ԼՂ խաղաղ գործընթացի լիարժեք գործարկման անհրաժեշտությունը
Վարչապետ Նիկոլ Փաշինյանն ընդունել է ԵՄ խորհրդում ֆրանսիական...