News
Լրահոս
News
Հինգշաբթի
Մարտ 28
Տեսնել լրահոսը

Իրանը, Ադրբեջանը եւ Վրաստանը գործարկում են Պարսից ծոցը Սեւ ծովի հետ կապող տարանցիկ երթուղի։ Այս մասին հայտարարել է Իրանի Իսլամական Հանրապետության ճանապարհների եւ տրանսպորտի կազմակերպության միջազգային տարանցիկ փոխադրումների վարչության գլխավոր տնօրեն Ջավադ Հեդայաթին։

«Մենք երկու երկրներին առաջարկել ենք նոր տարանցիկ միջանցք ստեղծել՝ տարածաշրջանային միասնությանը համապատասխան»,-ասել է նա ISNA-ին տված հարցազրույցում։ 

«Իհարկե, այս ծրագիրն առաջարկվել է վերջին ութ տարիներին, բայց հաշվի առնելով այն, որ այս համաձայնագրում ներգրավված են եղել բազմաթիվ երկրներ, այն դեռ չի իրականացվել, եւ կողմերը կոնսենսուսի չեն եկել»,-ասել է նա։

Նրա խոսքով՝ այս  ծրագրի իրականացումը կարող է Պարսից ծոցը կապել Սեւ ծովի հետ։

«Մենք բանակցությունների օրակարգում ներառել ենք եռակողմ տարանցիկ ուղին այս երկու երկրների հետ։ Մեր կնքած պայմանագրի համաձայն՝ որոշվել է ստուգել այս երթուղու անցումը։ Ապրանքներն Ադրբեջան են ժամանել Աստարայից եւ պետք է ուղարկվեն Բուլղարիա կամ Արեւելյան Եվրոպայի այլ երկրներ՝ Սեւ ծովի վրացական նավահանգիստներով»,-հավելել է Հեդայաթին։

Նա նշել է, որ այս տարանցիկ երթուղին կարող է մեծ օգուտ բերել Արեւելյան եւ Հարավային Ասիայի երկրներին եւ կապել դրանք Արեւելյան Եվրոպայի հետ։ Մյուս կողմից, Եվրոպան Իրանի արտահանման ուղղություններից մեկն է, հատկապես՝ նավթաքիմիայի ոլորտում վերամշակված ապրանքների արտահանման ուղղությամբ։ «Այս տարանցիկ ուղին, հաշվի առնելով համաձայնագրի կողմ հանդիսացող երկրների լուրջ մոտեցումը, այլընտրանք կլինի ներկայումս գործող առեւտրային ուղիների համար, ինչպիսին է Թուրքիայի եւ Ռուսաստանի տարանցիկ երթուղին»,-եզրափակել է Հեդայաթին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պեկինը Հարավային Կովկասը դիտարկում է որպես պոտենցիալ միջանցք Ասիայի եւ Եվրոպայի միջեւ. չինացի փորձագետ
Հարավային Կովկասը կարող է դառնալ Ասիան եւ Եվրոպան կապող միջանցք...
Հնդկաստան-Հունաստան-Հայաստան ստեղծվող առանցքը դուր չի գա Ռուսաստանին. հնդիկ քաղաքագետ
Ստեղծվող առանցքը՝ որպես հավասարակշռող ուժ...
Ադրբեջանից Հայաստանով ճանապարհներ, խողովակաշարեր, մալուխներ պետք է մտնեն Թուրքիա. Փաշինյան
Հարավային Կովկասում հարատև խաղաղության և կայունության հաստատմանը…
Հիմնանորոգվում է Շիրակի մարզի 6 գյուղն իրար կապող ճանապարհը
Շինաշխատանքների պայմանագրային արժեքն է մոտ 1 մլրդ 525 մլն դրամ...
ԵՄ-ն ունի թաքնված նպատակ. Նա ուզում է ստեղծել իր սեփական «Մետաքսի ճանապարհ» նախագիծը.Ռարը՝ ՀՀ-ում ԵՄ-ի ակտիվացման մասին
Այսպիսով, ինչպես տեսնում եք, այսօր Բրյուսելի և Հայաստանի համագործակցությունը Բաքվում բարենպաստ են համարում, Բաքվի…
Վերին Լարսի անցակետում մոտ 600 հայկական բեռնատար է կուտակվել
Նա պարզաբանել է, որ Ռուսաստանի ուղղությամբ մոտ 300 բեռնատար է կուտակվել...
Ամենաշատ