Մեր պահանջն է, որ Ալեն Սիմոնյանն իջնի այստեղ ու մեր առաջ, այստեղ կանգնած մայրերի առաջ կրկնի այն բառերը, որն ասել է: Այս մասին, NEWS.am-ի հետ զրույցում նշեց ԱԺ-ի մոտ անհետ կորածների ու գերեվարված զինծառայողների հարազատների բողոքի ակցիայի մասնակիցը:
«Ինչքը որպես հայ ազգի ներկայացուցիչ, որպես տղամարդ թող իջնի ու պատասխան տա: Մեզնից վախում է, թող մայրերին պատասխան տա: Ես իրեն հարցեր չունեմ, ես պատասխան եմ սպասում: Ես եղբայր ունեմ անհետ կորած: Ես կուզենամ, որ ինքը լավ լսի: Մեզ պետք է, որ հենց Ալեն Սիմոնյանը գա էստեղ, եթե չի կարողանում ներողություն խնդրել, թող հրաժարական տա ու գնա: Նա պարտավոր է ներողություն խնդրի»,-ասաց նա:
Նշենք, որ անհետ կորած եւ գերեվարված զինծառայողների ծնողները, որոնք առավոտից բողոքի ակցիա են իրականացնում ԱԺ-ի մուտքի մոտ եւ փակել էին Դեմիրճյան փողոցը, փակեցին նաեւ Բաղրամյան պողոտան:
Ավելի վաղ NEWS.am-ը հայտնել էր, որ նախօրեին «Դեժավյու» տելեգր ամյան ալիքը տեսանյութ էր հրապարակել, որտեղ երևում է, թե ինչպես է ԱԺ նախագահ Ալեն Սիմոնյանը միջոցառումներից մեկի ժամանակ քաղաքացու հետ զրույցում ասում, թե գերիներն իր համար «արդեն չկան»: Ավելի ուշ ԱԺ նախագահի խոսնակը հրապարակել է զրույցի ամբողջական սղագրությունը, ըստ որի և շրջանառվող ավելի ընդարձակ տեսանյութի՝ Ալեն Սիմոնյանը, անդրադառնալով գերիների հարցին, ասել է.
«Եթե ես հիմա պետք է էդ գերիների պատճառով պիտի Սյունիք կորցնեմ, եթե ես պիտի Սիսիան կորցնեմ, կներես, մի քիչ կարող է սխալ բան եմ ասում, բայց ես էդ գերիներին համարում եմ, որ արդեն իրենք չկան, իմ համար չկան: Իսրայելը, երբ որ տեռորիստը վերցնում է ինքնաթիռ, ինքը տեռորիստի հետ չի բանակցում, ինքը խփումա էդ ինքնաթիռը: Մենք պետք է հասկանանք՝ մի նժարի վրա ինչա դրած, իսկ մյուսի վրա ինչա դրած: Այո, բնականաբար, մենք այդ տղերքին հետ ենք բերելու, դա չի քննարկվում: Բայց մենք չենք կարա ամբողջ Հայաստանը, Արցախը, ամբողջ հայությունը պատանդ դնենք: Իսկ գիտե՞ս, թե ովքեր են էդ գերիները: Էդ էն մարդիկ են, որոնք զենքը դրել և փախել են, մոլորվել են: Ես սա բարձր չեմ կարող ասել: Իրենք զենքը դրել և փախել են: Հայտնվել են գերության մեջ: Բնականաբար, մենք էդ տղերքին հետ ենք բերելու, դա չի քննարկվում: Էս մեր մեջա մնում, սա չբարձրաձայնեք խնդրում եմ ձեզ: Ես սա բարձրաձայն չեմ ասի, որովհետև նախ ծնողներին կվիրավորեմ և այլն, և այլն… Բայց մենք պետքա հասկանանք…»:
