News
Լրահոս
News
Հինգշաբթի
Հունվար 27
USD
482.47
EUR
544.52
RUB
6.1
Տեսնել լրահոսը


Դեկտեմբերի 7-ին,  ժամը 21.10-ին, օպերատիվ կառավարման կենտրոնից ոստիկանության Արաբկիրի բաժին հաղորդում ստացվեց. 1-02 ահազանգած կինը, որ Երևանի Ավետիսյան փողոցի բնակիչ է, հայտնել էր, որ որդուն դանակահարել են։

Ոստիկանությունից NEWS.am-ին հայտնում են, որ օպերատիվ խումբը  Ավետիսյան փողոց մեկնեց՝ տուժողի տուն։ 36-ամյա տղամարդուն շտապօգնության խումբը տեղափոխել էր «Արմենիա» բժշկական կենտրոն։ Նրա բնակարանում արյան հետքեր կային։ Նախ պարզվեց, որ դեպքը տանը չէր եղել. տղամարդը դանակահարված վիճակում հասել էր տուն։

Մայրը, տեսնելով արնաքամվող տղային, անմիջապես ահազանգել էր 1-03 և 1-02։ Հիվանդանոց մեկնած ոստիկանները չկարողացան զրուցել տուժողի հետ։ Նա բժիշկների հսկողության տակ էր. ստացել էր մի քանի վնասվածք, այդ թվում՝ պարանոցի շրջանում։

Արաբկիրի քրեական հետախույզները  ձեռնարկած օպերատիվ հետախուզական   միջոցառումների արդյունքում պարզեցին ոչ միայն դեպքի հանգամանքները, այլև հայտնաբերեցին դեպքի վայրը։ Միջադեպը տեղի էր ունեցել Վաղարշյան փողոցի թիվ 12 հասցեի մոտ։

Շուտով հայտնի դարձավ նաև մասնակիցների շրջանակը։ Տուժող տղամարդու և նույն թաղամասի բնակիչներից մեկի միջև կենցաղային առիթով վեճ էր սկսվել։ Այդ ընթացքում էլ նա ստացել էր դանակի մի քանի հարված։

Կասկածվողը 36-ամյա տղամարդ էր՝ Ավետիսյան փողոցի բնակիչ։ Նրան հայտնաբերելու միջոցառումներին զուգահեռ՝ Արաբկիրի ոստիկանները նաև բացատրական աշխատանք տարան, որը արդյունք տվեց։ Կեսգիշերին մոտ կասկածվողը եկավ բաժին, ապա ոստիկանությունից ներկայացվեց տարածքային քննչական բաժին, որտեղ դեպքի առթիվ քրեական գործ է հարուցվել սպանության փորձի հատկանիշներով։

36-ամյա տղամարդը ձերբակալվել է։ Հարուցված քրեական գործի նախաքննությունն ու հանցագործության գործիքը հայտնաբերելու միջոցառումները շարունակվում են։

Տպել
Կարդացեք նաև
Ամբողջը
Մեղադրանք է առաջադրվել պատերազմի ընթացքում Արցախի պաշտպանական շրջանի հրամանատարի պաշտոնը զբաղեցրած բարձրաստիճան սպային
ՀՀ քննչական կոմիտեի զինվորական քննչական գլխավոր վարչության հատկապես...
Վանաձորում 48-ամյա վարորդը վրաերթի է ենթարկել 16-ամյա աղջկան. վերջինս տեղափոխվել է հիվանդանոց
Բելառուս ամուսինները բանտարկվել են ամանորյա կարմիր-սպիտակ հրավառության համար
Մոտակայքում հերթապահություն իրականացնող ոստիկանները հրավառությունը «չարտոնված պիկետ» են համարել եւ երիտասարդներին տեղափոխել են մեկուսարանում...
Նուբարաշենի ոստիկանները մեքենաներից կատարված գողության դեպքեր են բացահայտել
Գողությունը բացահայտելու ուղղությամբ Նուբարաշենի ոստիկանների ձեռնարկած...
Արաբկիրի քրեական հետախույզները բացահայտեցին բնակարանային գողության փորձերը
Արաբկիրի քրեական հետախույզների ձեռնարկած տարաբնույթ օպերատիվ...
Պարեկների կողմից Էրեբունու բաժին բերման ենթարկվածների մեքենայում թմրամիջոց կար
Հունվարի 19-ին, կեսգիշերն անց, պարեկային ծառայության Երևանի գնդի...
Ամենաշատ
Ֆոտոռեպորտաժներ