News
Լրահոս
News
Ուրբաթ
Հունվար 28
USD
482.57
EUR
540.24
RUB
6.13
Տեսնել լրահոսը

Լիտվան հայտարարել է, որ իր տարածքում ԱՄՆ ռազմական ներկայության ուժեղացումը կօգնի զսպել այն «սպառնալիքը», որը Ռուսաստանը ներկայացնում է դաշինքի արեւելյան թեւի համար։

«Լիտվայում ԱՄՆ ներկայության ուժեղացումը ամենաուժեղ զսպիչ գործոնը կդառնար այն սպառնալիքի դեմ, որը Ռուսաստանը ներկայացնում է ՆԱՏՕ-ի արեւելյան թեւին, եւ կապահովեր տարածաշրջանային անվտանգությունը՝ վերահաստատելով դաշնակիցների միասնությունն ու համերաշխությունը»,- Reuters-ին ասել է Լիտվայի նախագահի մամուլի քարտուղարը:

«Լիտվան միշտ ձգտել է մշտական դաշնակցային ռազմական ներկայության, ներառյալ ԱՄՆ-ի ռազմական ներկայությունը, որը ներկայումս ռոտացիոն հիմունքներով է իրականացվում»,- ասել է նա՝ հավելելով, որ Վիլնյուսը խորհրդակցություններ է անցկացրել ԱՄՆ-ի հետ՝ Ուկրաինայի սահմանների երկայնքով տիրող իրավիճակի շուրջ։

2014 թվականին ԱՄՆ-ը մեկ տասնյակ կործանիչներ եւ մի քանի հարյուր զինվորականներ է ուղարկել Էստոնիա, Լատվիա, Լիտվա եւ Լեհաստան։

!
Այս նյութը հասանելի է նաև   Русский
Տպել