News
Լրահոս
News
Շաբաթ
Հունվար 22
USD
482.12
EUR
546.68
RUB
6.3
Տեսնել լրահոսը

Աբխազիայի ներկայացուցիչներն առաջարկել են վրացական կողմին սկսել պետական ​​սահմանի սահմանազատման եւ սահմագծման ընթացակարգը։ Սուխումի եւ Թբիլիսիի դիվանագետները հանդիպել են Ժնեւում՝ Անդրկովկասում անվտանգության եւ կայունության շուրջ բանակցությունների շրջանակում, հայտնում է Աբխազիայի ԱԳՆ-ն։

Նրանք ցանկանում են համատեղ պետական ​​սահման հաստատել` տարածաշրջանում հումանիտար իրավիճակի բարելավման համար։ «Սահմանների համաձայնեցման գործընթացը հնարավորություն կտա տեղում լուծել բազմաթիվ հարցեր եւ կհեշտացնի պետական ​​սահմանը պաշտոնապես հաստատված անցակետերով հատելու ընթացակարգը»,- նշել են Աբխազիայի ԱԳՆ-ում։

Բացի Աբխազիայից եւ Վրաստանից, բանակցություններին մասնակցում են նաեւ ԵՄ-ի, ԵԱՀԿ-ի, ՄԱԿ-ի, Ռուսաստանի, ԱՄՆ-ի եւ Հարավային Օսիայի ներկայացուցիչները։ Քննարկման մասնակիցները, բացառությամբ վրացական պատվիրակության ներկայացուցիչների, Վրաստանի հետ Աբխազիայի Հանրապետության պետական ​​սահմանին իրավիճակը հանգիստ եւ կայուն գնահատել:

 

!
Այս նյութը հասանելի է նաև   Русский
Տպել
Ֆոտոռեպորտաժներ