Չեխիայի Հանրապետության նշանակված վարչապետ Պետր Ֆիալան, ով վերջին խորհրդարանական ընտրություններից հետո ձեւավորում է հանրապետության նոր կառավարությունը, նախագահ Միլոշ Զեմանից պահանջել է հրաժարվել ապագա կաբինետի կազմի դեմ առարկություններից եւ որքան հնարավոր է շուտ կազմակերպել իր նշանակման արարողությունը, հաղորդում է Չեխական ռադիոն։
Զեմանը պնդում է, որ Ֆիալայի կողմից իրեն առաջարկված ապագա նախարարների ցուցակից պետք է բացառել Ծովահենական կուսակցության կողմից ԱԳ նախարարի պաշտոնում առաջադրված Յան Լիպավսկուն։ Նախագահը կասկածում է, որ նա որակով կկատարի իր պարտականությունները, քանի որ չունի դիվանագիտական աշխատանքի անհրաժեշտ որակավորում եւ փորձ։ Այս քաղաքական գործիչը, մասնավորապես, դարձավ Ռուսաստանի Դաշնությունից եւ ՉԺՀ-ից ընկերությունների կողմից «Դուկովանի» չեխական ԱԷԿ-ում նոր էներգաբլոկի կառուցման մրցույթին մասնակցության համար ազգային անվտանգության նկատառումներով մերժման մասին օրենքի նախաձեռնողներից մեկը: Լիպավսկին, ըստ տեղական լրատվամիջոցների, չի կիսում պետության ղեկավարի կողմից Իսրայելին աջակցելու քաղաքականությունը եւ չափազանց զուսպ է վերաբերվում նախագահի` Չեխիայի դեսպանատունը Թել Ավիվից Երուսաղեմ տեղափոխելու մտքին: