Հաջորդ տարվա համար մենք եւ՛ ավանդների, եւ՛ վարկավորման համար նախատեսում ենք աճի բարձր տեմպեր։ Այս մասին դեկտեմբերի 9-ին լրագրողների հետ հանդիպմանն ասաց «Ամերիաբանկ» ՓԲԸ մանրածախ բանկինգի տնօրեն Արման Բարսեղյանը։
Նա հայտնեց, որ Ամերիաբանկն արդեն վերականգնվել է համավարակի եւ պատերազմի հետեւանքներից։ «Մենք ակնկալում ենք, որ հաջորդ տարի երկրում տնտեսական ակտիվությունն ավելի բարձր կլինի, քան ընթացիկ տարում։ Եւ հիմա տպավորություն չկա, որ Հայաստանում տնտեսական ակտիվությունը ցածր է։ Մենք դա տեսնում ենք իրական հատվածի հետ աշխատելիս։ Շատ ասպարեզներ, այդ թվում՝ շինարարական ոլորտը, արեւային էներգետիկան, գյուղատնտեսությունը, բավական ակտիվ են։ Վարկավորման ծավալների առումով տարին նույնպես ակտիվ է եղել»,- նշեց Արման Բարսեղյանը։