Ֆրանսիայի իշխանությունները ջրհեղեղների վտանգի պատճառով երկրի հյուսիս-արեւմուտքում գտնվող երկու դեպարտամենտներում վտանգի կարմիր՝ ամենաբարձր մակարդակ են հայտարարել։ Այս մասին ասվում է Meteo France ազգային օդերեւութաբանական ծառայության կայքում ուրբաթ հրապարակված հաղորդագրության մեջ։
Խոսքը Ատլանտյան Պիրենեյներ եւ Լանդերի դեպարտամենտների մասին է, հայտնել է ՏԱՍՍ-ը։
Meteo France-ի տվյալներով՝ երկրի ինը դեպարտամենտներում եւ Անդորրայում վտանգի դեղին մակարդակ է հայտարարվել՝ կապված անձրեւների, ջրհեղեղների, ձյան տեղումների, մերկասառույցի, ինչպես նաեւ լեռնային շրջաններում ձնահոսքի հետ։
BFM հեռուստաալիքի փոխանցմամբ՝ իշխանությունները դիտարկում են հեղեղված տարածքներից բնակիչներին տարհանելու հնարավորությունը։ Ջրհեղեղները հանգեցնում են էլեկտրամատակարարման եւ երթեւեկության ընդհատումների։