News
Լրահոս
News
Ուրբաթ
Մարտ 29
Տեսնել լրահոսը

Գերմանիայում դատարանը որոշել է, որ տղամարդը, ով մեջքի վնասվածք է ստացել հեռավար աշխատանքի ընթացքում, կարող է փոխհատուցում ստանալ աշխատավայրում դժբախտ պատահարից ապահովագրության շրջանակներում: Այս մասին հայտնում է «Իզվեստիա»-ն՝ վկայակոչելով The Guardian-ը։

Նշվում է, որ տղամարդը սայթաքել եւ ընկել է, երբ առավոտյան սանդուղքով իջնում էր իր աշխատանքային սեղանի մոտ։ Արդյունքում նա կոտրել է ողնաշարը։

Դատարանի որոշմամբ՝ կատարվածը կարելի է ապահովագրական դեպք համարել, քանի որ տղամարդը տեխնիկապես վնասվածք է ստացել աշխատանքի գնալու ճանապարհին։

Միաժամանակ պարզաբանվում է, որ որոշիչ է այն պահը, որ աշխատակիցը վնասել է մեջքն իր տան աշխատանքային հատված գնալիս։ Տուժողի հայցադիմումը կմերժվեր, եթե նա ընկներ, օրինակ, մինչ աշխատանքային օրվա սկիզբը նախաճաշի գնալիս:

Չնայած դատարանի որոշմանը` ապահովագրական ընկերությունը բողոքարկել է դատավճիռը։ Գերմանացուն գումարը դեռ չի վճարվել:

Միեւնույն ժամանակ, Գերմանիայի Դաշնային դատարանը որոշել է, որ «եթե ապահովագրված գործունեությունն իրականացվում է ապահովագրված անձի տնային տնտեսությունում կամ այլ վայրում, ապա ապահովագրական պաշտպանությունը տրամադրվում է նույն չափով, ինչ այն դեպքում, եթե գործունեությունն իրականացվեր ընկերության տարածքում»:

!
Այս նյութը հասանելի է նաև   Русский
Տպել
Ամենաշատ