ԱՄՆ նախագահ Ջո Բայդենի վարչակազմը 200 միլիոն դոլարի ռազմական օգնության փաթեթ է պատրաստել Ուկրաինային, սակայն կանգնեցրել է դրա մատակարարումը` չնայած Կիեւի բազմաթիվ կոչերին: Այս մասին հայտնում է ՏԱՍՍ-ը՝ վկայակոչելով NBC հեռուստաալիքը։
Նրա խոսքով՝ Վաշինգտոնը ցանկանում է հետաձգել օգնության ուղարկումը, որպեսզի փորձի դիվանագիտական ճանապարհով նվազեցնել լարվածությունն Ուկրաինայի հետ կապված իրավիճակի շուրջ։ Աղբյուրներից մեկի համաձայն՝ ռազմական օգնության փաթեթի հաստատման փաստաթուղթը «նախագահի արդեն երեք-չորս շաբաթ »։
Ընդ որում, լարվածության աճի դեպքում ամերիկյան իշխանությունները դիտարկում են Ուկրաինային ռազմական աջակցության ծավալների զգալի ավելացումը։ Ինչպես նշում է հեռուստաալիքը, օգնության փաթեթի կազմը դեռեւս պարզ չէ, սակայն Կիեւը կոչ է արել ամերիկյան իշխանություններին իրենց հակահրթիռային եւ հակատանկային հրթիռներ, էլեկտրոնային ճնշման համակարգեր, ռադարներ, զինամթերք եւ բժշկական պարագաներ ուղարկել։ Սպիտակ տունը, Պետդեպարտամենտը եւ Պենտագոնը դեռ չեն արձագանքել այս տեղեկությունը հաստատելու ՏԱՍՍ-ի խնդրանքին։
