News
Լրահոս
News
Կիրակի
Մայիս 19
Տեսնել լրահոսը

Եվրահանձնաժողովը կառաջարկի ԵՄ երկրների կողմից գազի համատեղ գնումների համակարգ՝ վառելիքի ռազմավարական պաշարներ ձեւավորելու համար։ Միջոցառումը մշակվել է ի պատասխան էներգիայի գնաճին, ասվում է փաստաթղթում, որը ներկայացվել է երկրներին այս շաբաթվա գագաթնաժողովից առաջ, հայտնել է Reuters-ը:

Գազի գները Եվրոպայում հոկտեմբերին աճել են մինչեւ ռեկորդային բարձր մակարդակ՝ սահմանափակ մատակարարումների եւ համաշխարհային տնտեսության ուժեղ պահանջարկի ֆոնին, որը վերականգնվում է COVID-19 համավարակից: Գները փոքր-ինչ նվազել են, սակայն վերջին շաբաթներին կրկին աճել են ձմեռային ցուրտ եղանակի եւ Ռուսաստանից սպասվածից ցածր ներմուծման ֆոնին:

Էներգիայի գնաճը դրդել է կառավարություններին փորձել  սուբսիդիաներ եւ հարկային արտոնություններ կիրառել սպառողներին պաշտպանելու համար, եւ որոշ երկրներ հանդես եկան ԵՄ-ում գազի գնումների միասնական համակարգ ստեղծելու կոչով:

ԵՄ գազի շուկայի կանոնների նորացման առաջարկը, որը ԵՀ-ն պետք է հրապարակի չորեքշաբթի, նման համակարգ կստեղծի։

«Առաջարկները կներառեն կարգավորվող կազմակերպությունների կողմից գազի ռազմավարական պաշարների համատեղ գնումների համար բարենպաստ շրջանակներ», - ասվում է ԵՄ փաստաթղթում, որը տարածվել է երկրների շրջանում ԵՄ առաջնորդների գագաթնաժողովից առաջ:

Համակարգը «կխթանի արտակարգ իրավիճակների դեպքում Միության մասշտաբներում ԵՄ-ի համաձայնեցված միջոցառումներին», ասվում է հայտարարության մեջ:

«Անդամ երկրները, շնորհիվ տարածաշրջանային մակարդակով համատեղ համագործակցության, պետք է անհրաժեշտության դեպքում կարողանան ապավինել այլ երկրների պահեստարաններին»,- ասվում է փաստաթղթում։ Պահեստավորումը կդառնա ԵՄ երկրների կողմից գազի մատակարարումների անվտանգության ռիսկերի, ներառյալ պահեստավորման ենթակառուցվածքի՝ օտարերկրյա սեփականության հետ կապված ռիսկերի գնահատման մաս:

Փաստաթղթում նշվում է, որ Ռուսաստանից ԵՄ գազի ներկրումը հոկտեմբեր-նոյեմբերին 25 տոկոսով ցածր է եղել 2020 թվականի նույն ժամանակահատվածի համեմատ։

Բրյուսելը հայտարարել է, որ հանածո վառելիքի բարձր գների երկարաժամկետ լուծումը ավելի արագ անցում է տեղական արտադրության վերականգնվող էներգիայի աղբյուրներին, ինչպես համապատասխան է կլիմայի փոփոխության ոլորտում ԵՄ-ի նպատակներին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Փաշինյանն ու ԵՄ առևտրի գծով հանձնակատարը անդրադարձել են «Խաղաղության խաչմերուկ» նախագծին
Զրուցակիցներն անդրադարձ են կատարել նաև Հայաստանի և Ադրբեջանի միջև սահմանազատման գործընթացին, տարածաշրջանային տրանսպորտային...
Հայաստանին ԵՄ-ում ոչ ոք չի սպասում. Արմեն Աշոտյան
Երկրում շարունակվող համաժողովրդական ընդվզումների ֆոնին Նիկոլ Փաշինյանը բաց չի թողել առիթը՝ մեկնելու հերթական գործուղման, այս անգամ՝ Կոպենհագեն,...
ՀՀ կառավարությունը պատրաստ է տարբեր ոլորտներում զարգացնելու և խորացնելու համագործակցությունը ԵՄ-ի հետ. ՏԿԵՆ փոխնախարար
ՀՀ տարածքային կառավարման և ենթակառուցվածքների նախարարի տեղակալ Վաչե...
Շառլ Միշելը նշել է Վրաստանի վարչապետի եւ նախագահի հետ հեռախոսազրույցի մասին
Շառլ Միշելը հեռախոսազրույց է ունեցել Կոբախիձեի եւ Զուրաբիշվիլու հետ...
Եվրամիությունը հնարավոր է՝ սառեցնի ԵՄ-ին միանալու Վրաստանի դիմումը. Financial Times
Եվրոպացի պաշտոնյաների պնդմամբ՝ Թբիլիսիի հետ բանակցությունների մեկնարկն, ըստ ամենայնի, Բրյուսելն անորոշ ժամանակով կհետաձգի…
ԵՄ առաքելությունն ավելի շատ բան է անում Հայաստանի հարեւանների՝ ՌԴ-ի, Ադրբեջանի եւ Իրանի դեմ. ՌԴ ԱԳՆ
Բացահայտ սադրիչ գործունեություն ԵՄ առաքելության կողմից...
Ամենաշատ