News
Լրահոս
News
Կիրակի
Մայիս 29
USD
448.18
EUR
479.46
RUB
6.83
Տեսնել լրահոսը

Եվրասիական տնտեսական միության Գործարար խորհրդի նախագահության նիստում քննարկվել եւ միաձայն հաստատվել է «ԵԱՏՄ անդամ պետությունների տարածքից Հայաստանի Հանրապետություն ուղարկվող բոլոր տեսակի բեռների տարանցիկ մաքսային հայտարարագրման եւ տրանսպորտային միջոցների կապարակնքման վերաբերյալ» հարցը։ Այն Խորհրդի նախագահության՝ դեկտեմբերի 13-ին կայացած 18-րդ նիստի օրակարգ էր ներառվել Հայաստանի արդյունաբերողների եւ գործարարների միության առաջարկով ու առաջիկայում կներկայացվի համապատասխան ընթացակարգերի իրականացմանը։

Հիշեցնենք, որ խնդիրը պայմանավորված է Եվրասիական տնտեսական միությունում Հայաստանի հատուկ կարգավիճակով՝ ընդհանուր սահմանի բացակայությամբ։ Գործող կարգով մաքսային հայտարարագրերը կազմվում են Ռուսաստանի եւ Վրաստանի սահմանագծում՝ Վերին Լարսում, որի պարագայում բարդություններ են առաջանում բեռնատարների ստուգման, մաքսային ձեւակերպումների իրականացման, մաքսանենգ ապրանքաշրջանառության կանխման գործընթացներում, դանդաղում է մաքսակետի թողունակությունը, մեծ հերթեր են կուտակվում։ Առաջարկվող կարգով նախատեսվում է, որ Հայաստան եկող բեռների մաքսային ձեւակերպումն ու կապարակնքումն իրականացվեն առաքողի տարածքային մաքսային ծառայությունների կողմից, ինչը բեռնատարներին թույլ կտա Վերին Լարսի վերահսկիչ կետն անցնել «կանաչ ուղով»։ ՀԱԳՄ նախագահ Արսեն Ղազարյանի գնահատմամբ՝ բեռնափոխադրումների այս կարգով կազմակերպումը մաքսային ծառայությունների աշխատանքը կդարձնի ավելի թափանցիկ, կմեծացնի ապրանքների բեռնման ժամանակ դրանց ծավալի ու որակի վերահսկողության արդյունավետությունը, հնարավորություն կտա հսկել դեպի Հայաստան եկող մաքսային ապրանքների միջինացված գների մակարդակը, կհավասարակշռի Միության անդամ երկրների բյուջե մուտք գործող ֆինանսական միջոցները։

Գործարար խորհրդի նախագահության նիստում լսվել են նաեւ նախկինում ընդունված որոշումների կատարման ընթացքի մասին, «Վստահելի երրորդ կողմի բազայի մեխանիզմի հիման վրա՝ ԵԱՏՄ անդամ երկրների տնտեսվարող սուբյեկտների կողմից էլեկրոնային եղանակով ստորագրված փաստաթղթերի փոխադարձ ճանաչման նպատակով Միջկառավարական համաձայնագրի (պայմանագրի) պատրաստման եւ երաշխավորման անհրաժեշտության մասին», կազմակերպչական եւ այլ հարցեր։

Տպել
Կարդացեք նաև
Ամբողջը
ԵԱՏՄ Բարձրագույն խորհրդի հաջորդ նիստը տեղի կունենա դեկտեմբերին Բիշքեկում
Խորհրդի նիստը կայացել է ուրբաթ օրը՝ տեսակոնֆերանսի միջոցով։ Դրան մասնակցել են միության անդամ բոլոր հինգ երկրների՝ Ռուսաստանի, Ղազախստանի, Ղրղզստանի, Բելառուսի եւ Հայաստանի ղեկավարները, ինչպես նաեւ դիտորդ երկու երկրների՝ Ուզբեկստանի եւ Կուբայի ղեկավարները։
ԵՏՄ-ն սկսել է Ինդոնեզիայի հետ ազատ առևտրի գոտու շուրջ բանակցությունները
«Եվրասիական բարձրագույն տնտեսական խորհուրդը որոշում է կայացրել բանակցություններ սկսել Ինդոնեզիայի Հանրապետության հետ ազատ առևտրի համաձայնագրի կնքման շուրջ»,- ասվում է հաղորդագրության մեջ։
ԵԱՏՄ երկրները պետք է օպերատիվ կերպով հարմարվեն արագ փոփոխվող արտաքին և ներքին պայմաններին. Նիկոլ Փաշինյան
Խորհրդի նիստում անդրադարձ է կատարվել ԵԱՏՄ միջազգային գործունեությանը...
ԵԱՏՄ երկրները մտադիր են մայիսի 29-ը Եվրասիական տնտեսական միության օր հայտարարել
Այս մասին ուրբաթ Եվրասիական տնտեսական բարձրագույն խորհրդի առցանց նիստի ժամանակ հայտարարել է Ղրղզստանի նախագահ Սադիր Ժապարովը...
Պուտինն աջակցել է Իրանի եւ ԵԱՏՄ-ի միջեւ ազատ առեւտրի համաձայնագրի երկարաձգմանը
Նա նշել է, որ ակտիվ բանակցություններ են տարվում ազատ առեւտրի լայնաֆորմատ համաձայնագրի կնքման համար, այդ թվում՝ Իրանի հետ․․․
Տոկաեւն առաջարկել է պայմաններ ստեղծել արտասահմանյան ընկերությունների տեղափոխման համար՝ հաշվի առնելով պատժամիջոցները
Տոկաեւն առաջարկել է հարմարավետ պայմաններ ստեղծել արտասահմանյան ընկերությունների տեղափոխման համար՝ հաշվի առնելով պատժամիջոցները․․․
Ամենաշատ