News
Լրահոս
News
Երկուշաբթի
Մայիս 23
USD
455.73
EUR
486.58
RUB
7.89
Տեսնել լրահոսը

Վրաստանի նախկին նախագահ Միխեիլ Սաակաշվիլին ներկա չի լինի Թբիլիսիում այսօր կայանալիք դատավարությանը սահմանի ապօրինի հատման գործով, լրագրողներին ասել է փաստաբան Բեքա Բասիլայան, փոխանցում է «Sputnik-Գրուզիա»-ն։

«Նրա առողջական վիճակը թույլ չի տալիս նրան (Սաակաշվիլիին) ներկա գտնվել դատավարությանը եւ դիմել հանրությանը: Նախորդ դատավարությունների ժամանակ մենք ականատես եղանք այն մեծ ելույթին, որը նա հնչեցրեց հանրության առջեւ»,- ասել է Բասիլայան։

Ինչ վերաբերում է մյուս դատավարություններին, Սահակաշվիլին անցնում է 2007 թվականի նոյեմբերի 7-ի հանրահավաքը ցրելու եւ պետական ​​միջոցների յուրացման մեղադրանքով. նիստերին մասնակցության հարցը նույնպես կախված կլինի նրա առողջական վիճակից։ «Վերականգնման գործընթացը պետք է պատշաճ կերպով ընթանա»,- ասել է Բասիլայան:

Ներկայումս երկու քրեական գործերով վեց տարվա ազատազրկման դատապարտված Վրաստանի նախկին նախագահը 50-օրյա հացադուլից հետո վերականգնողական կուրս է անցնում Գորիի զինվորական հոսպիտալում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ամենաշատ
Ֆոտոռեպորտաժներ