6,0 մագնիտուդով երկրաշարժ է տեղի ունեցել Խաղաղ օվկիանոսի պոլինեզիական Տոնգա թագավորության ափերի մոտ, հայտնում է ԱՄՆ Երկրաբանական ծառայությունը (USGS), փոխանցում է «ՌԻԱ Նովոստին»։

Երկրաշարժը գրանցվել է 12։39-ին՝ UTC-ի ժամանակով։ Ստորգետնյա ցնցումների էպիկենտրոնը գտնվել է 22,4 հազար բնակիչ ունեցող Նուկուալոֆա քաղաքից 480 կիլոմետր հարավ-արեւմուտք։ Երկրաշարժի օջախը գտնվել է 105 կիլոմետր խորությամբ։

Հնարավոր զոհերի եւ ավերածությունների մասին տեղեկատվություն չի ստացվել, ցունամիի սպառնալիքի մասին չի հայտարարվել։