Tesla-ի հիմնադիր Իլոն Մասկը խոսել է Մարսի գաղութացման մասին, մասնավորապես, ներկայացրել է, թե ինչպես է տեսնում քաղաքական համակարգը Կարմիր մոլորակի վրա, որը նաեւ անվանել է առաջին թռիչքների ժամկետները։
Մասկը Մարսի վրա գաղութները համեմատել է Հարավային Ամերիկայում առաջին գաղութների հետ։ Նրա կարծիքով՝ գաղութականների համար օպտիմալ քաղաքական համակարգն ուղիղ ժողովրդավարությունն է։ Նա դա անվանել է «բնական իշխանություն», երբ մարդիկ իրենք են ստեղծում եւ ընտրում օրենքները։ Դրանք պետք է լինեն պարզ եւ հեշտ հասկանալի:
Մասկը նաեւ նշել է, որ առաջին թռիչքը դեպի Մարս համանուն առաքելության ընթացքում պետք է տեղի ունենա արդեն այս տասնամյակում։ Եթե ամեն ինչ չընթանա այնպես, ինչպես նախատեսված է, ապա հրթիռը կարձակվի տասը տարի հետո:
Մարսի գաղութացման ճանապարհին գլխավոր խոչընդոտը Starship հրթիռի կառուցումն է։ Համապատասխանաբար, նման հրթիռի կառուցումը շատ թանկ արժե։
Իլոնը ծրագրերում է Starship հազար հրթիռի կառուցումը՝ դեպի Մարս միլիոն մարդու ուղարկելու համար: Հարկ է նշել, որ շատ փորձագետներ եւ գիտնականներ համաձայն չեն Մասկի հետ՝ նրա ժամկետները չափազանց լավատեսական անվանելով։