News
Լրահոս
News
Երեքշաբթի
Մայիս 17
USD
454.99
EUR
474.78
RUB
7.21
Տեսնել լրահոսը


2022 թվականը հռչակել ենք որպես Սփյուռքի տարի, հրավիրում ենք մեր բոլոր կառույցներին, մամուլը, մտավորականները, հայ համայնքները իրապաշտ մոտեցումով եւ համապարփակ հայացքով: Այս մասին իր հայրապետական պատգամում նշել է Մեծի Տանն Կիլիկո կաթողիկոս Արամ Ա-ն:

Անդրադառնալով Հայաստանին, նա նշել է. «Մեր հայրենիքը շարունակում է անորոշության եւ հուսահատության ալիքներիում օրորվել: Մի կողմից ներհայասատանյան քաղաքական լարված մթնոլորտը  ջլատում է մեր հավաքական ուժը, մյուս կողմից թշնամին հաղթական դիրքերից պայմաններ է դնում Հայաստանի առջեւ՝ անտեսելով Հայաստանի հողային ամբողջականությունը եւ գերիշխանությունը, ինչպես նաեւ միջազգային օրենքը:

Այո, մենք փոքր երկիր ենք, հարկ է իրատես մոտեցում ունենալ տարածաշրջանի ներկա աշխարհաքաղաքական պայմաններու հոլովույթի նկատմամբ: Սակայն դա չի նշանակում, որ Հայաստանը ասելիք չպետք է ունենա իր ազգային շահերի առնչված եւ իր ներկան ու ապագան ճշտող խնդիրների գծով:

Այո, տարածաշրջանում համապարփակ ու մնայուն խաղաղության հաստատմանը համաձայն ենք, բայց ոչ պարտվողական ու զիջողական դիրքերից: Այո, տարածաշրջանում տնտեսական զարգացումներին նպաստող ծրագրերին համաձայն ենք, բայց ոչ ի հեճուկս Հայաստանի ու Արցախի գերիշխանության, անկախության, անվտանգության ու տարածքային ամբողջականության:

Այսօր Թուրքիայի եւ Ադրբեջանի կողմից համադրված պանթուրանական ռազմավարություն են փորձում ի գործ դնել Հայաստանի եւ ամբողջ շրջանի նկատմամբ:

Ժողովուրդ հայոց, լինենք զգոն ու հեռատես: Արդարեւ որեւէ համաձայնագրի ստորագրություն Ադրբեջանի հետ, որտեղ Ադրբեջանի տարածքային ամբողջականության մեջ ներառված է Արցախը, նույնպես որեւէ համաձայնագիր Թուրքիայի հետ, որ կընդունի Թուրքիայի բացահայտ նախապայմանները: Փաստորեն Հայաստանի կողմից խախտում պետք է լինի անկախության հռչակագրին եւ Սահմանադրության հիմնական սկզբունքներին: Նման վտանգալից քայլերի նկատմամբ Սփյուռքը չի կարող անտարբեր մնալ: Համահայկական խնդիրների քննարկման մեջ Սփյուռքն իր գործուն մասնակցությունը պետք է ունենա, ինչպես հաճախ շեշտել ենք:

Մեր թշնամիները եւ բարեկամները պետք է իմանան, որ Հայաստանը անտեր չէ, որբ չէ: Ողջ Սփյուռքն իր կողքին է, հայությունը մեկ անբաժան ու անբաժանելի ամբողջություն է: Այո, ինչ-ինչչ պատճառներով ճակատամարտը պարտվեցինք, բայց ոչ պետերազմը: Մեր համահայկական պայքարը շարունակվում է: Համահյկական պայքարը պետք է շարունկվի հայոց բանակը վերակազմակերպելով ու այն արդիական զենքերով օժտելով, մեր սահմանները պաշտպանելով, ի պահանջի ժողովրդային դիմադրության դիմելով, մարտունակ ոգով բանակցություններ վարելով եւ համախմբվելով հայրենիքի գերագույն ու ընդհանրական շահերի շուրջ:

Հետեւաբար, եկեք վերանորոգենք մեր ազգային ուխտը եւ առավել հավատքով ու կամքով գոհպնդված ողջունենք իրար, ասելով՝ շնորհավոր Նոր տարի: Թող Աստված օրհնե մեր ազգի բոլոր զավակներին եւ ամեն չարիքից հեռու պահի մեր ազգն ու հայրենիքը: Այժմ եւ միշտ հավիտյանս հավիտենից Ամեն:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վարչապետը շնորհավորական ուղերձներ է հղել Չինաստանի նախագահին և վարչապետին
Մաղթում եմ Ձեզ քաջառողջություն և հաջողություն, իսկ բարեկամ Չինաստանին՝ խաղաղություն և նորանոր ձեռքբերումներ...
Վագրի տարին մտնում է իր իրավունքների մեջ
Արեւելյան օրացույցի համաձայն՝ Վագրի տարին, վերջապես, մտավ իր իրավունքների մեջ․․․
Ուղղափառ քրիստոնյաները տոնում են Հիսուսի ծնունդը
Ուղղափառ քրիստոնյաները հունվարի 7-ին տոնում են Քրիստոսի ծնունդը...
100 տարում առաջին անգամ Լեռնային Ղարաբաղում նշել են Սուրբ ծնունդը ռուս խաղաղապահների եւ ուխտագնացների հետ
Առաջին անգամ 100 տարվա մեջ Լեռնային Ղարաբաղում տոնել են Սուրբ ծնունդը զինծառայողների մասնակցությամբ...
2022-ն էլ պայքարի տարի կլինի․ Արցախի ԱԻՊԾ տնօրեն
Թող նոր տարին լինի հզորացման, բարգավաճման և նորանոր ձեռքբերումների ու նվաճումների տարի...
Արցախի շուրջ ստեղծված ներկա իրավիճակից մենք դուրս եկանք պատվով․ ԱՀ ոստիկանության պետ
Տարեվերջի այս օրերին մեզանից յուրաքանչյուրը պլանավորում է հաջորդ տարվա անելիքները...
Ամենաշատ