Կրիպտոէնտուզիաստ եւ Tesla-ի սեփականատեր Միացյալ Նահանգներից Սիրաջ Ռավալը Tesla Model 3 էլեկտրաքարի միջոցով կրիպտոարժույթի մայնինգի միջոց է գտել, հայտնում է CNBC-ն։
Ըստ Սան Ֆրանցիսկոյի բնակչի՝ նա բեռնախցիկում GPU-ների կլաստեր է տեղադրել եւ սնուցումը միացրել է էլեկտրաքարի մարտկոցից: Ռավալը մայնինգ համակարգի կառավարումը վստահել է Apple Mac mini M1 համակարգչին։ Նա ԾԱ-ն միացրել է ավտոմեքենայի կենտրոնական վահանակի վարդակից:
Մանիպուլյացիաների նպատակն էլեկտրաէներգիայի խնայողությունն է։ Նա պարզաբանել է, որ Tesla-ի սեփականատերերը կարող են լիցքավորել իրենց էլեկտրաքարերը զեղչված գներով Supercharger կայաններում: Ռավալը պարզաբանել է, որ էլեկտրաքարերի աշխատանքում նման փոփոխությունները կարող են զրկել այն երաշխիքից։ Սակայն մայնինգը հնարավորություն տվեց հազարավոր դոլարներ վաստակել ընդամենը մեկ տարվա ընթացքում:
Էնտուզիաստը պատմել է, որ մեկ ամիս լիցքավորման համար 30 դոլարից մինչեւ 60 դոլար է պպահանջվում, իսկ մայնինգը նա գործարկում է օրական մոտ 20 ժամ: Ռավալի խոսքով՝ 2021 թվականին նա Ethereum-ի մայնինգից ամսական 400-ից մինչեւ 800 դոլար էր վաստակում՝ կախված կրիպտոարժույթի փոխարժեքից։