News
Լրահոս
News
Կիրակի
Մայիս 22
USD
458.98
EUR
485.74
RUB
7.81
Տեսնել լրահոսը

Հայաստանը 1-ին եռամսյակում 78-րդ տեղն է զբաղեցրել Աշխարհի անձնագրերի Henley & Partners ինդեքսում

Ռուսաստանն ու ԱՊՀ երկրները դիտարկումների եռամսյակում իրենց դիրքերն աննշան են փոխել։ Վարկանշային աղյուսակում տեղաշարժերը պայմանավորված են եղել նաեւ այլ երկրների դիրքերի փոփոխություններով։ Ռուսաստանը առանց վիզայի մուտք ձեռք է բերել դեպի Պակիստան եւ վարկանիշում 51-րդ տեղից տեղափոխվել է 46-րդ տեղը։ Ռուսական անձնագիր ունեցողները տեսականորեն կարող են առանց վիզայի ճանապարհորդել 119 ուղղություններով։

Բելառուսի Հանրապետությունը (65), Ղազախստանը (68), Ադրբեջանը (74), Հայաստանը (78) փոխել են իրենց դիրքերը՝ Օմանի հետ առանց վիզայի ռեժիմի համաձայնագրերի կնքման շնորհիվ։

Հաշվետու ժամանակահատվածում Վրաստանը այլ երկրների հետ առանց վիզայի ռեժիմի համաձայնագրեր չի կնքել եւ 48-րդն է՝ աշխարհում 115 ուղղություններով առանց վիզայի հասանելիությամբ։

Ուկրաինան 37-րդից բարձրացել է 35-րդ տեղ՝ Ֆրանսիայի անդրծովյան տարածքների եւ Օմանի հետ առանց վիզայի մուտքի պայմանագիր կնքելով։ Ուկրաինական անձնագիր ունեցողները առանց վիզայի կամ վիզայով կարող են ճանապարհորդել աշխարհի 141 երկրներ։

Աշխարհի անձնագրերի ինդեքսի վերջին արդյունքները ցույց են տալիս քաղաքացիների համար առանց վիզայի ճանապարհորդության հնարավորությունների ամենամեծ տարբերությունը՝ 17 տարի առաջ ինդեքսի ստեղծման պահից ի վեր: Առանց հաշվի առնելու կորոնավիրուսի հետ կապված փոփոխվող եւ ժամանակային սահմանափակումները՝ երկու ասիական երկրների՝ Ճապոնիայի եւ Սինգապուրի անձնագրեր ունեցողներն այժմ կարող են հասանելիություն ունենալ 192 ուղղությունների՝ առանց վիզայի կամ վիզայով, ինչը 166-ով ավելի է, քան Աֆղանստանինը, որը ինդեքսում վերջին տեղում է։

Համաձայն Աշխարհի անձնագրերի Henley & Partners Passport ինդեքսի պատմական տվյալների, որը աշխարհի անձնագրերը դասակարգում է առանց վիզայի ուղղությունների քանակով, քաղաքացիները 2006 թվականին առանց նախապես վիզա ստանալու միջին հաշվով կարող էին այցելել 57 երկիր: Այսօր այդ թիվը հասել է 107-ի, բայց այս ընդհանուր աճի հետեւում թաքնված է Գլոբալ Հյուսիսի եւ Գլոբալ Հարավի երկրների միջեւ աճող անհավասարությունը:

Օրինակ՝ Շվեդիայի եւ ԱՄՆ-ի քաղաքացիները կարող են առանց վիզայի ճանապարհորդել ավելի քան 180 ուղղություններով, մինչդեռ Անգոլայի, Կամերունի եւ Լաոսի անձնագիր ունեցողները կարող են առանց վիզայի տեղաշարժվել միայն 50 ուղղություններով:

Ինդեքսում առաջին տեղը կիսում են Սինգապուրի եւ Ճապոնիայի անձնագրերը, ինչը նշանակում է, որ աշխարհի 192 երկրների սահմանները բաց են այդ երկրների քաղաքացիների համար։

Երկրորդ տեղը կիսում են Գերմանիան եւ Հարավային Կորեան՝ 190 երկիր առանց վիզայի մուտք ունենալով։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՊՀ երկրները հաստատել են Միասնական գիտական տարածքի ստեղծման մասին համաձայնագրի փոփոխությունները
ԱՊՀ երկրների կառավարությունների ղեկավարները կայացած նիստում հավանության են արժանացրել Միասնական գիտատեխնոլոգիական տարածքի ստեղծման մասին համաձայնագրում նախատեսվող փոփոխությունները:
ԱՊՀ կառավարությունների ղեկավարների խորհրդի հաջորդ նիստը տեղի կունենա նոյեմբերին
Անկախ պետությունների համագործակցության երկրների կառավարությունների ղեկավարների խորհրդի հաջորդ նիստը որոշվել է ացկացնել նոյեմբերին Նուր-Սուլթանում:
Բելառուսի վարչապետը ԱՊՀ գործընկերներին կոչ է արել առավելագույնս խուսափել դոլարով եւ եվրոյով փոխադարձ հաշվարկներից
Մեզ հայտարարված տնտեսական պատերազմի պայմաններում անհնար կլինի կայուն տնտեսական աճի հասնել՝ առանց համակարգային խնդիրներից մեկը՝ դոլարով եւ եվրոյով փոխադարձ հաշվարկներից առավելագույնս խուսափելու խնդիրը լուծելու․․․
Ղազախստանը դուրս է եկել ԱՊՀ-ի հարկային համաձայնագրից
Ղազախստանը դադարեցնում է երկրում ԱՊՀ-ի հարկային համաձայնագրի գործունեությունը...
Պուտինն առաջարկել է ԱՊՀ-ին ՀԱՊԿ-ում դիտորդի կարգավիճակ տալ
ՌԴ նախագահը նման առաջարկ է արել ՀԱՊԿ երկրների առաջնորդների հանդիպման ժամանակ ունեցած ելույթում․․․
ԱՊՀ ԱԳՆԽ հաջորդ նիստը կկայանա Նուր Սուլթանում
«Նեղ ձևաչափով որոշում է կայացվել ԱՊՀ երկրների արտգործնախարարների խորհրդի հաջորդ նիստն անցկացնել 2022 թվականի հոկտեմբերի 15-ին Ղազախստանի Հանրապետության Նուր Սուլթան քաղաքում»,- ասել է Լեբեդևը։
Ֆոտոռեպորտաժներ