Հավաքական անվտանգության պայմանագրի կազմակերպության (ՀԱՊԿ) պաշտպանության նախարարների խորհրդի արտահերթ նիստը, որի մասնակիցները կքննարկեն Ղազախստանում խաղաղապահ գործողության անցկացումը, տեղի կունենա հունվարի 13-ին տեսակոնֆերանսի միջոցով: Այս մասին ՏԱՍՍ-ին հայտնել է ՀԱՊԿ մամուլի քարտուղար Վլադիմիր Զայնետդինովը։
«Հանդիպման ընթացքում ՀԱՊԿ անդամ երկրների պաշտպանական գերատեսչությունների ղեկավարները կքննարկեն խաղաղապահ օպերացիայի անցկացումը Ղազախստանի Հանրապետությունում»,- նշել է նա։
Զայնետդինովի խոսքով` հանդիպմանը կմասնակցեն նաեւ ՀԱՊԿ միացյալ շտաբի պետ, գեներալ-գնդապետ Անատոլի Սիդորովը եւ ՀԱՊԿ գլխավոր քարտուղարի տեղակալ Թախիր Խայրուլոեւը։
