News
Լրահոս
News
Երկուշաբթի
Մայիս 23
USD
455.73
EUR
486.58
RUB
7.89
Տեսնել լրահոսը

Օտարերկրյա զբոսաշրջիկները, այդ թվում՝ Ռուսաստանից, միշտ զգացել են հայ ժողովրդի հյուրընկալությունը։ Այս մասին NEWS.am-ի թղթակցի հետ զրույցում ասաց Հայաստանի զբոսաշրջության ֆեդերացիայի նախագահ Մեխակ Ապրեսյանը։

Բացի այդ, Հայաստանը գրավիչ է իր գեղեցիկ բնությամբ եւ հարուստ պատմամշակութային ժառանգությամբ։

Փորձագետի խոսքով, զբոսաշրջային հոսքի աճի վրա, մասնավորապես՝ Ռուսաստանից Հայաստան, ազդել է տարեսկզբին որոշակի միջոցառումների իրականացումը, այդ թվում՝ մասնագիտացած զանգվածային լրատվամիջոցների ներկայացուցիչների այցը երկիր։

Ռուսաստանցի զբոսաշրջիկների համար Հայաստանի գրավչության ամենակարեւոր գործոն նա անվանեց մուտքի եւ ելքի համեմատաբար ազատ պայմանները՝ երկիր կարելի է այցելել նաեւ կորոնավիրուսի բացասական թեստի տեղեկանքի հիման վրա եւ պատվաստման վկայականի առկայության դեպքում։ Բացի այդ, պատվաստանյութերի հետ կապված խտրականություն չկա։ Զբոսաշրջիկները անբռնազբոս հանգստանում են՝ չմտածելով ռեստորաններ կամ թատրոններ այցելելիս բժշկական տեղեկանք ունենալու անհրաժեշտության մասին:

Նա ափսոսանքով նշեց, որ հունվարի 22-ից ներդրված սահմանափակումները բացասաբար կանդրադառնան զբոսաշրջության վրա, քանի որ դրանց բացակայությունը առանցքային դեր է խաղացել օտարերկրացիների կողմից Հայաստանը որպես զբոսաշրջային վայր ընտրելու հարցում, այդ թվում՝ Ամանորի տոների նախաշեմին։

«Եվրոպայում նման սահմանափակումները վաղուց են գործում, մենք նույն ճանապարհով ենք գնում։ Սակայն նախքան նման որոշումներ կայացնելը պետք է առնվազն քննարկել դրանք շահագրգիռ կողմերի հետ: Այսօր Հայաստանում համաճարակաբանական իրավիճակը բավականին բարենպաստ է»,- եզրափակեց նա։

Հիշեցնենք, որ հունվարի 22-ից հանրային սննդի կետեր, հյուրանոցային համալիրներ, մարզասրահներ, գրադարաններ, թանգարաններ, մշակութային միջոցառումներ այցելելիս քաղաքացիները պետք է ներկայացնեն պատվաստումը հաստատող փաստաթուղթ կամ ՊՇՌ թեստի բացասական արդյունքի մասին տեղեկանք։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրակլի Ղարիբաշվիլիի եւ Յենս Սթոլթենբերգի հանդիպումը չեղարկվել է. ՆԱՏՕ-ի ղեկավարի մոտ կորոնավիրուսը հաստատվել է
Հավանական պատճառը Յենս Սթոլթենբերգի առողջական վիճակն է, թեեւ պաշտոնական մեկնաբանություններ այս հարցի վերաբերյալ չեն արվել․․․
Առցանց վեբինար. Ժաննա Անդրեասյանի մասնակցությամբ քննարկվել է դպրոցների անվտանգության ապահովման հարցը
Հավելենք, որ Դպրոցների համապարփակ անվտանգության (CSS) շրջանակը ներդրվել է 2012 թ. և թարմացվել 2016 թ.՝ հիմք ստեղծելով Անվտանգ դպրոցների…
Հարավային Կորեան փորձել է Հյուսիսային Կորեային օգնություն առաջարկել քովիդի դեմ պայքարում
Փհենյանի իշխանությունները չեն արձագանքել Հարավային Կորեայի նախաձեռնությանը...
Հայաստանում կատարվել է կորոնավիրուսի դեմ 2 միլիոն 188 հազար 62 պատվաստում
Բուստեր՝ երրորդ դեղաչափ ստացել է 51 հազար 361 մարդ...
ՄԱԿ-ը պատրաստ է օգնել ԿԺԴՀ-ին կորոնավիրուսի բռնկման դեմ պայքարում
Մենք մտահոգությամբ հետեւում ենք կորոնավիրուսի բռնկմանը ԿԺԴՀ-ում:
Կիմ Չեն Ընն առաջին անգամ հանրությանը ներկայացել է դիմակով
Հյուսիսային Կորեայի առաջնորդը հանրությանն է ներկայացել բժշկական դիմակով...
Ամենաշատ
Ֆոտոռեպորտաժներ