Կառավարությունն իր այսօրվա՝ հունվարի 13-ի նիստում փոփոխություն կատարեց սուբվենցիաների տրամադրման կարգի մեջ:
Տարածքային կառավարման և ենթակառուցվածքների նախարար` Գնել Սանոսյանը նշեց, որ նախորդ տարիներին սահմանամերձ համայնքներ եւ բարձր լեռնային համայնքները մի տողում էին, այս փոփոխությամբ դրանք առանձնացվել են, սահմանամերձ համայնքներին տրվող պետական աջակցության մասը մեծացնելու համար:
«Մյուս կարեւոր փոփոխությունը վերաբերում է նախադպրոցական հաստատություններին. Հաշվի առնելով կառավարության մտադրությունը մեր համայնքներում մանկապարտեզների կառուցմանը տեմպ տալու, տոկոսադրույքները փոխվել են: Նվազագույն շեմը սահմանվել է 70 տոկոս՝ անկախ Երեւանից բնակավայրի հեռավորությունից, եւ սահմանամերձ ու բարձրլեռնային համայնքներում մինչեւ 80 տոկոս կառավարության մասնակցությամբ:
Նոր ուղղություն է հեռագնա արոտներ գնացող ճանապարհների բարեկարգումը:
Հաշվի առնելով, որ որոշ համայնքներում բացակայում է գերարագ ինտերնետը, ուզում ենք մտցնել օպտիկամանրաթելային ցանցի կապուղու կառուցման նոր ուղղություն: Նոր ուղղություն է նաեւ ապաստարանների կառուցումը, որով համայնքներին հնրավորուոյուն ենք տալիս կռավարության աջակցությամբ այդ ծրագրերն իրականացնել»,-ասաց նախարարը:
Նա հավելեց, որ կառավարության աջակցության չափը մեծացրել է ոռոգման եւ խմմեռլու ջրերի համակարգերի եւ ասֆալտապատման ուղղություններով:
Վարչապետ Նիկոլ Փաշինյանը իր հերթին նշեց, որ այս փոփոխությունների հիմքում կառավարության ծրագիրն է Հայաստանում 5 տարում 500 նոր մանկապարտեզ կառուցելու. «Այս փոփոխությամբ համայնքներում մանկապարտեզների շինարարությունը կառավարությունը կհամաֆինանսավորի 70-80 տոկոսով: Շահագործումից հետո համայնքը պետք է մանկապարտեզի կարիքները հոգա»,-ասաց նա:
