ԵՄ-ի եւ Հայաստանի միջեւ Համապարփակ եւ ընդլայնված համագործակցության համաձայնագրի իրագործմամբ զբաղվում է հանրապետության ոչ միայն օրենսդիր, այլեւ գործադիր մարմինը։ Այս մասին հունվարի 13-ին լրագրողների հետ հանդիպման ժամանակ, ներկայացնելով վերոնշյալ փաստաթղթի կատարման իր վերլուծությունը, ասաց Եվրոպական ինտեգրման հարցերի մշտական խորհրդարանական հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Արման Եղոյանը:
Այդ մասնակցությունը, ըստ նրա, պայմանավորված է կառավարության եւ դրա անմիջական ղեկավարի տարբեր տեսակի որոշումներով։
Միաժամանակ, պատգամավորի խոսքով, օրենսդրական նախաձեռնությունների հիմնական մասն առաջարկվել է կառավարության կողմից։ «Տոկոսային հարաբերակցության մասով ոչինչ ասել չեմ կարող, բայց շատ օրենքներ արդեն ուժի մեջ են մտել։ Բացի այդ, մենք միջգերատեսչական հանձնաժողով ունենք»,- ասաց Եղոյանը։