ՌԴ ԱԳ նախարար Սերգեյ Լավրովը դավադրության տեսություն է անվանել այն շահարկումները, թե Մոսկվան է ճգնաժամ է հրահրել Ղազախստանում՝ այն վերահսկողության տակ առնելու համար, գրում է «ՌԻԱ Նովոստի»-ն։
«Հիմա շատ դավադրության տեսություններ կան: Այս տեսաբանների մի մասը պնդում է, որ այս ամենը կազմակերպված է Արեւմուտքի կողմից՝ Ժնեւի եւ Բրյուսելի բանակցություններից առաջ մեր դիրքերը թուլացնելու համար։ Մյուսները մեզ են մեղադրում այն հրահրելու մեջ՝ Ղազախստան ներխուժելու եւ այն վերահսկողության տակ առնելու համար։ Այս ամենը չարից է»,- ասել է նախարարն Առաջին ալիքի «Մեծ խաղ» ծրագրին տված հարցազրույցում։
Նրա խոսքով՝ Ղազախստանի իշխանությունները լիարժեք հետաքննություն են անցկացնում, արդյունքները կհայտարարվեն։ Իրավիճակը, ընդգծել է նա, ոչ մի կապ չունի Մոսկվայի հետ: